قىتايدا كوروناۆيرۋس جۇقتىرعانداردىڭ سانى كۇن ساناپ وسۋدە
قىتايدىڭ دەنساۋلىق ساقتاۋ ىستەرى جونىندەگى مەملەكەتتىك كوميتەتى تاراتقان مالىمەتكە قاراعاندا، ەلدە سوڭعى تاۋلىكتە (29- شىلدەدەگى جاعداي بويىنشا) كوروناۆيرۋس جۇقتىرۋدىڭ 102 راستالعان وقيعاسى تىركەلگەن، سونىڭ ىشىندە 96 سى - شىڭجاڭ-ۇيعىر اۆتونوميالىق اۋدانىندا (ش ۇ ا ا)، بەسەۋى لياونين پروۆينتسياسىندا جانە بىرەۋى - بەيجىڭ قالاسىندا تىركەلگەن.
«شىڭجاڭدا COVID-19 جۇقتىرۋدىڭ 414 راستالعان وقيعاسى تىركەلدى، سونىڭ ىشىندە 412 وقيعا - ۇرىمجىدە، سونداي-اق، اۋرۋ بەلگىلەرىنسىز جۇرگەن 143 ادام (140 ادام ۇرىمجىدە) انىقتالدى. 12 مىڭنان استام ادام دارىگەرلەر قاراۋىندا»، - دەلىنگەن ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتتىڭ اقپاراتتىق بيۋللەتەنىندە.
قىتايدا كوروناۆيرۋس جۇقتىرۋدىڭ 84165 راستالعان وقيعاسى انىقتالعان. اۋرۋحانادان 78957 ادام ەمدەلىپ شىعارىلدى.
ۆيرۋستان 4634 ادام قايتىس بولدى. قازىرگى كەزدە 547 ناۋقاس ستاتسيونارلىق ەم قابىلداۋدا (سونىڭ ىشىندە 33 ادام اۋىر حالدە جاتىر).
ەسكە سالا كەتەيىك، قىتايدىڭ بىرنەشە وڭىرىندە كوروناۆيرۋستىڭ وشاعى انىقتالعانى تۋرالى حابارلاعان بولاتىنبىز.