+7 (701) 759 90 19
20 °С : نۇر-سۇلتان
29 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

سولتۇستىك قازاقستاندا كۇزدىك داقىل وراعى اياقتالۋعا جاقىن

30 شىلدە 08:16
:ءبولىسۋ
سولتۇستىك قازاقستاندا كۇزدىك داقىل وراعى اياقتالۋعا جاقىن

پەتروپاۆل. قازاقپارات - سولتۇستىك قازاقستان وبلىسىندا ءبىر اۋدان قارا ءبيداي وراعىن اياقتاسا، التى اۋداندا بۇل ناۋقان سوڭىنا جاقىنداعان، دەپ حابارلايدى قازاقپارات ءتىلشىسى.

بيىل س ق و- دا 4 ميلليون استام گەكتارعا ءداندى داقىل ەگىلسە، ونىڭ 5 مىڭ گەكتاردان استامى - كۇزدىك جانە قارا ءبيداي.

ءبىر اپتا بۇرىن وڭىردە ەگىن وراعى باستالىپ، بۇگىندە كۇزدىك داقىلدىڭ 2,4 مىڭ تونناسى جيناپ الىندى.

«مامليۋت اۋدانىندا كۇزدىك داقىل جيناپ الىندى. قازىر التى اۋداندا وراق ءجۇرىپ جاتىر. اۋا رايى مۇمكىندىك بەرسە، اپتانىڭ سوڭىنا دەيىن جيناپ الادى. قازىر ديقاندار ورتا ەسەپپەن گەكتارىنان 27,6 تسەنتنەردەن ءونىم الىپ جاتىر»، - دەيدى س ق و اۋىل شارۋاشىلىعى جانە جەر قاتىناستارى باسقارماسىنىڭ باس مامانى باقتيار توقجىگىتوۆ.

قازىر جيىم-تەرىمنەن بولەك ديقاندار ەگىس القاپتارىنا مينەرالدى تىڭايتقىش سەۋىپ، زيانكەستەرمەن كۇرەس جۇرگىزىپ جاتىر.

«3,5 ميلليونعا جۋىق گەكتاردىڭ ارامشوبى جويىلدى. قازىر ءتۇرلى وسىمدىك اۋرۋلارىنا قارسى دارىلەۋ جۇمىسى جۇرگىزىلۋدە. ءبيدايدا كوبىنە «تات»، «تريپس» اۋرۋلارى كەزدەسەدى، مايلى داقىلدارعا «ورامجاپىراق كوبەلەگى» زيان كەلتىرۋدە»، - دەيدى باقتيار توقجىگىتوۆ.

بۇگىنگە دەيىن وبلىس القاپتارىندا ارامشوپ پەن زيانكەستەرگە قارسى 4 مىڭ ليتر پرەپارات قولدانىلدى. بۇعان دەيىن س ق و- دا القاپتاردى حيميالىق وڭدەۋگە بىلتىرعىدان 4 ميلليارد تەڭگەگە ارتىق سۋبسيديا بەرىلەتىنىن ايتقان ەدىك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات