توميريس بايسافانىڭ ولىمىنە قاتىستى كۇدىكتى قاماۋعا الىندى
«ماسكەۋ قالاسىنىڭ باسمان اۋداندىق سوتىنىڭ قاۋلىسىمەن ايىپتالۋشى مەدجيدوۆ مۋرتۋزالي مۋحتاروۆيچكە قاتىستى 2020 -جىلدىڭ 28 -قىركۇيەگىنە دەيىن قاماۋعا الۋ تۋرالى بۇلتارتپاۋ شاراسى قابىلداندى»، - دەپ حابارلايدى ت ا س س اگەنتتىگى باسمان سوتىنىڭ باسپا ءسوز قىزمەتىنە سىلتەمە جاساپ.
«قازاقپارات» ح ا ا مەنشىكتى تىلشىسىمەن سۇحبات بارىسىندا توميريس بايسافانىڭ شەشەسى جاننا احمەتوۆا وسى ىسكە قاتىستى جاڭا دەرەكتەردەن حاباردار بولعانىن ءمالىم ەتتى.
«ايعاقتار تابىلىپتى. ول ۇستالدى. ءبىراق ءىستىڭ ءمان- جايى ماعان ءالى بەلگىسىز»، - دەگەن اناسى م. مەدجيدوۆتىڭ ۇستالعانى تۋرالى اقپاراتتى ماسكەۋدە راستاعانىن ايتتى.
جاننا احمەتوۆا تەرگەۋ بارىسىمەن بايلانىستا وتىر. كارانتين شارالارى الىنعاننان كەيىن رەسەي استاناسىنا ۇشىپ بارماق.
ەسكە سالا كەتسەك، 2018 -جىلدىڭ ءساۋىر ايىندا قازاقستاندىق ستۋدەنت قىز توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ تەرەزەسىنەن قۇلاپ كەتكەن ەدى. ول 3 - مامىردا اۋرۋحانادا قايتىس بولدى. قىزدىڭ اتا- اناسى ونىڭ وزىنە قول سالعاندىعىنا قاتىستى تەرگەۋدىڭ نۇسقاسىمەن كەلىسپەي، تەرگەۋدىڭ ءادىل جۇرگىزىلۋىن تالاپ ەتكەن ەدى. كەيىننەن ق ر ادام قۇقىقتارى جونىندەگى ۋاكىلى (ومبۋدسمەن) اسقار شاكىروۆ رەسەي فەدەراتسياسىنىڭ ومبۋدسمەنى تاتيانا موسكالكوۆاعا توميريس بايسافانىڭ ءولىمىن تەرگەۋگە كومەك سۇراعان بولاتىن.