+7 (701) 759 90 19
16 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

پاۆلودار وبلىسىنداعى قىزعىلت كول قورعاۋعا الىنادى

29 شىلدە 22:04
:ءبولىسۋ

نۇر-سۇلتان. قازاقپارات - ەرتىس وڭىرىندە 200 دەن استام سۋ ايدىنى بار، حابارلايدى «حابار 24» . تۇشىسى دا اشىسى دا جەتىپ ارتىلادى.

سوڭعى ۋاقىتتا حالىق اسىرەسە، قىزعىلت ءتۇستى تۇزدى كولدەرگە بارۋعا اۋەس. ءبىراق تۋريستەردىڭ ەكولوگيالىق مادەنيەتى تومەن. سول وكىنىشتى. ەندى جەرگىلىكتى ەكولوگتار پاۆلودار وبلىسىنىڭ قىزعىلت كولدەرى كوبەيتۇزدىڭ كۇيىن كەشپەسە ەكەن دەپ الاڭداۋلى.

اقمارال ەسىمحانوۆا، ءتىلشى:

- نيكولاي كيسەلەۆ قىزعىل ءتۇستى كولدىڭ بارىن عالامتوردان بىلگەن. بىرەگەي تۇزدى كولدىڭ اسەمدىگىنە قىزىعىپ، وتباسىمەن كەلگەن.

نيكولاي كيسەلەۆ، پاۆلودار قالاسىنىڭ تۇرعىنى:

- قورشاعان ورتانى ايالاۋدى بالا كەزدەن ۇيرەنگەنبىز. بالالارىما بىرەگەي كولدى كورسەتكىم كەلدى. جالاڭ اياق جۇگىرىپ، ءماز بولىپ جاتىر. ارتىمىزدان قوقىس قالدىرمايمىز. جيناپ كەتەمىز.

كورياكوۆكا كولى وبلىس ورتالىعىنان 17 شاقىرىمدىق جەردە ورنالاسقان. سۋ ايدىنىندا تىرشىلىك ەتەتىن ميكرواعزالاردىڭ ارقاسىندا تۇزدى كول قىزعىلت تۇسكە يە. كەلۋشىلەردىڭ كوبى وسى تۇسكە قىزىعىپ كەلەدى. مامانداردىڭ ەسەبىنشە، دەمالىس كۇندەرى تىنىعاتىن ادامداردىڭ قاراسى كوپ. كۇنىنە كەم دەگەندە 50 جەڭىل كولىكتى بايقاۋعا بولادى. جۇمىس كۇندەرى دە ادامنان ارىلمايدى. بىرەگەي كول كوبەيتۇزدىڭ كۇيىن كەشپەس ءۇشىن ەكولوگتار ۇندەۋ جاريالادى. سۇلۋلىعى كوز تارتار كولدى قامقورلىققا الادى.

ءىلياس قۇرامىسوۆ، وبلىستىق ەكولوگيا دەپارتامەنتىنىڭ باسشىسى:

- بۇل كولدە اقمولا وبلىسىنداعى كوبەيتۇز كولىندەگى جاعداي قالىپتاسۋى مۇمكىن. كول اينالاسى قوقىس پەن لاستانىپ، ونىڭ تابيعي تۇزىن رۇقساتسىز شىعارۋ قاۋپى بار. سوندىقتان وبلىس تۇرعىندارى مەن قوناقتارىنا تابيعاتقا جانە تابيعي كورىكتى جەرلەرگە ۇقىپتىلىقپەن قاراۋعا شاقىرامىز. تەك قانا ءبىزدىڭ بىرلەسكەن ءىس- ارەكەتىمىز بەن ەكولوگيالىق جاناشىرلىعىمىز تابيعي بايلىعىمىزدى ساقتاۋعا مۇمكىنشىلىك بەرەدى.

تاريحقا كوز جۇگىرتسەك، كورياكوۆكا كولىندە تۇز شارۋاشىلىعى XVIII عاسىردىڭ سوڭىنان دامىپ كەلەدى. بۇل كول ءسىبىر وڭىرلەرىن تەحنيكالىق تۇزبەن قامتىپ وتىرعان. ءبىراق سوڭعى 50 جىلدا قازبا جۇمىستارى توقتاپ قالعان. سەبەبى، قور تاۋسىلدى. سوڭعى جىلدارى بارلاۋ جۇمىستارى قايتا جۇرگىزىلدى. ينۆەستور دا تابىلدى.

قادىلجان ساتيەۆ، وبلىستىق جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسىنىڭ باسشىسى:

- جەكە ينۆەستور قارجى قۇيىپ، جوبا ازىرلەدى. تەحنيكالىق تۇزدى ءوندىرۋ ءۇشىن ءونىم قورى جەتكىلىكتى. الداعى ۋاقىتتا قوعامدىق تىڭداۋلار وتكىزىلىپ، جەرگىلىكتى تۇرعىندارمەن كەزدەسەمىز. كولگە عىلىمي تۇرعىدان باعا بەرۋ ماقساتىنداعى كەشەندى جۇمىستار دا قولعا الىنادى. كولدەگى تەحنيكالىق تۇزدىڭ قورى 1 ميلليون 600 توننانى قۇراپ وتىر. ياعني، قازبا جۇمىستارىن وندىرىستىك دەڭگەيدە دامىتۋعا نەگىز بولماق. بۇل بولاشاقتىڭ ەنشىسىندە. بۇگىنگى ماقسات - كولدى قورعاۋ جانە تازالىعىن ساقتاۋ. وسى ماقساتتا سۋ ايدىنى باقىلاۋعا الىنباق. دەمالىس كۇندەرى ەكولوگيالىق پاترۋل مەن پوليتسيا قىزمەتكەرلەرى ءتيىستى شارالاردى قولعا الماق.


www.24.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات