اۋەجايلار جىل سوڭىنا دەيىن سالىقتىڭ بىرنەشە تۇرىنەن بوساتىلدى
«اۋە تاسىمالى سالاسىن قولداۋ ماقساتىندا جىل سوڭىنا دەيىن اۋەجايلاردان جەر سالىعى مەن جەر ۋچاسكەلەرىن پايدالانعانى ءۇشىن تولەم، سونداي- اق ۇشاقتاردىڭ قوسالقى بولشەكتەرىنىڭ يمپورتىنا قوسىلعان قۇن سالىعى جانە اۆياكومپانيالار ءۇشىن رەزيدەنت ەمەستەردىڭ قىزمەتتەرى بويىنشا قوسىلعان قۇن سالىعى الىنىپ تاستالدى» ، - دەدى رۋسلان دالەنوۆ و كق- دا وتكەن باسپا ءسوز ءماسليحاتىندا.
مينيستر سونداي- اق، مەملەكەتتىك ەمەس بۇقارالىق اقپارات قۇرالدارى 2020 -جىلدىڭ 1 -قازانىنا دەيىن ەڭبەكاقى تولەۋ قورىنان سالىقتار مەن مىندەتتى تولەمدەردەن بوساتىلعانىن جەتكىزدى.
«سول سەكىلدى جەكە تۇلعالار ءۇشىن جىل سوڭىنا دەيىن سالىقتىق راقىمشىلىق ەنگىزىلدى. سالىقتىڭ نەگىزگى سوماسىن تولەگەن كەزدە ءوسىمپۇل مەن ايىپپۇل ەسەپتەن شىعارىلادى. حالىقارالىق اۆتوموبيل جۇك تاسىمالدارىن جۇزەگە اسىراتىن كاسىپكەرلەردى قولداۋ ءۇشىن جىل سوڭىنا دەيىن ەرشىكتى تارتقىشتاردى العاشقى تىركەۋ ءۇشىن الىم الىنىپ تاستالدى. سالىقتىق اكىمشىلەندىرۋ بولىگىندە جىل سوڭىنا دەيىن رەزيدەنتتىك سەرتيفيكاتتارىن ۇسىنۋ مەرزىمدەرى ۇزارتىلدى، سونداي- اق توتەنشە جاعداي كەزەڭىندە رەسىمدەلگەن قۇجاتتاردىڭ سكانەرلەنگەن كوشىرمەلەرىنىڭ زاڭدىلىعى تانىلدى»، - دەدى ول.