ەلوردادا كارانتين تالاپتارىن ەلەمەي وتىرعان تۇرعىندار ءالى دە بار - پوليتسيا

None
None
نۇر-سۇلتان. قازاقپارات - ەلوردادا كارانتين تالاپتارىن بۇزىپ، زاڭدى ەلەمەي وتىرعان ازاماتتارى ءالى دەپ جەتەرلىك.

ولاردى ەلوردالىق پوليتسيا قىزمەتكەرلەرى ارنايى تەكسەرۋ بارىسىندا انىقتادى، دەپ حابارلايدى قازاقپارات.

نۇر-سۇلتان قالالىق پوليتسيا دەپارتامەنتىنىڭ باسپا ءسوز قىزمەتى تاراتقان مالىمەتتەرگە قاراعاندا، قازىرگى تاڭدا قاتاڭ كارانتين شارالارىنا قاراماستان، كەيبىر ازاماتتار سۋ قويمالارىنا دەمالىسقا شىعىپ، رۇقسات ەتىلمەگەن جەرلەردە شومىلۋدى توقتاتپاي وتىر.

پوليتسيا جانە توتەنشە جاعدايلار دەپارتامەنتىنىڭ قىزمەتكەرلەرى وزەن جاعالاۋلارىندا ازاماتتارعا ارنايى بروشيۋرالار تاراتىپ ءجۇر. نۇر-سۇلتان قالاسىنىڭ پوليتسيا دەپارتامەنتىنىڭ وكىلدەرى تۇرعىندارعا كارانتين كەزىندە قالالىق جاعاجايلاردا سۋعا تۇسۋگە قاتاڭ تىيىم سالىنعانىن ەسكە سالادى.

ازاماتتاردىڭ رۇقسات ەتىلمەگەن جەرلەردە سۋعا تۇسۋىنە جول بەرمەۋ، ماسكا رەجيمى مەن كارانتيندى ساقتاۋ ماقساتىندا جەرگىلىكتى پوليتسيا قىزمەتكەرلەرى ەسىل، اقبۇلاق وزەندەرىنىڭ جاعاسىندا، سونداي-اق ترياتلون ساياباعى اۋدانىندا ارنايى رەيد شارالارىن وتكىزدى.

«ءىس-شارالار بارىسىندا پوليتسيا قىزمەتكەرلەرى ەرەجە بۇزعان 15 تۇلعانى اكىمشىلىك جاۋاپقا تارتتى. سونداي-اق پوليتسيا قىزمەتكەرلەرى 7 زاڭدى تۇلعانى جاعالاۋ بويىنداعى ماقاتايەۆ كوشەسىندە سۋعا شومىلۋعا جول بەرگەنى ءۇشىن اكىمشىلىك قۇقىق بۇزۋشىلىقتار تۋرالى كودەكستىڭ 364-بابىنىڭ 1-بولىمىمەن جاۋاپقا تارتتى. سونىمەن بىرگە، ءتارتىپ ساقشىلارى ازاماتتاردىڭ سانيتارلىق نورما جانە الەۋمەتتىك قاشىقتىقتى ۇستانۋ ەرەجەلەرىن ساقتاۋ تۋرالى ءتۇسىندىرۋ جانە الدىن الۋ جۇمىستارىن جۇرگىزدى»، - دەلىنگەن پوليتسيانىڭ حابارلاماسىندا.


سوڭعى جاڭالىقتار