موڭعوليانىڭ سىرتقى ىستەر ءمينيسترى قازاقستان ەلشىسىمەن كەزدەستى
كەزدەسۋ باسىندا ەلشى جالعاس ادىلبايەۆ ن. ەنحتايۆاندى موڭعوليا ەلىنىڭ سىرتقى ىستەر ءمينيسترى قىزمەتىنە تاعايىندالۋىمەن قۇتتىقتاپ، وعان ەڭبەكتە تابىسقا جەتۋگە تىلەكتەستىگىن ءبىلدىردى. ءوز تاراپىنان، ن. ەنحتايۆان قازاقستاننىڭ س ءى م باسشىسى مۇحتار تىلەۋبەردىنىڭ تاعايىندالۋىنا بايلانىستى قۇتتىقتاۋىنا العىسىن ءبىلدىرىپ،
قازاقستانمەن دوستىق قاتىناستى كەڭەيتۋ جانە نىعايتۋ، ساۋدا جانە ەكونوميكالىق مازمۇنى بار ەكىجاقتى قاتىناستى بايىتۋ نيەتىن ءبىلدىردى.
ول سونداي- اق موڭعولدىق تاراپ كوروناۆيرۋس پاندەمياسىنا قارسى كۇرەس، قازاقستاننان ۇيلەرىنە قايتۋعا نيەتتى موڭعوليا تۇرعىندارىن ەۆاكۋاتسيالاۋ بويىنشا تىعىز ىنتىماقتاستىقتى جالعاستىراتىنىن اتاپ ءوتتى. ەلشى جالعاس ادىلبايەۆ ەكى ەل اراسىنداعى دوستىق قاتىناستى نىعايتۋ جولىندا جۇمىس اتقارۋعا، جوعارى دەڭگەيدەگى ساياسي ديالوگتى جانداندىرۋعا، ەكى مەملەكەت ازاماتتارىمەن الماسۋ جانە ەكونوميكالىق سالادا ناقتى جوبالاردى ىسكە اسىرۋعا دايارلىعىن ءبىلدىردى. ول سونداي- اق ءبىر- ءبىرىن تەك ەكىجاقتى ەمەس، حالىقارالىق جانە ايماقتىق الاڭدا قولداۋعا قىزىعۋشىلىق تانىتىپ وتىرعانىن راستادى.