+7 (701) 759 90 19
16 °С : نۇر-سۇلتان
14 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كاسىپقوي بوكس: ايدوس ەربوسىن ۇلى قارسىلاسىن ۇتىپ، اتاقتارىن قورعاپ قالدى

27 شىلدە 10:57
:ءبولىسۋ
كاسىپقوي بوكس: ايدوس ەربوسىن ۇلى قارسىلاسىن ۇتىپ، اتاقتارىن قورعاپ قالدى

نۇر-سۇلتان. قازاقپارات - مينسكىدە (بەلارۋس) قازاقستاندىق Suleimen Promotions پروموۋتەر كومپانياسى ۇيىمداستىرعان بوكس كەشى مارەگە جەتتى، دەپ حابارلايدى قازاقپارات ءتىلشىسى.

سوڭعى جەكپە-جەكتە ەكىنشى ورتا سالماقتا قازاقستاندىق، ەكىنشى دارەجەلى WBO Global، WBC Asia جانە WBA International تيتۋلدارىنىڭ يەگەرى ايدوس ەربوسىن ۇلى (13-0) مەن گەرمانيالىق، ءتۇبى نيگەريالىق نۋحۋ لاۆال (27-6) رينگكە شىقتى.

ايقاس بارىسىندا بويى مەن قولىنىڭ ۇزىندىعىن پايدالانعان ايدوس قارسىلاسىن ەكى مارتە نوكداۋنعا جىبەردى. بۇدان كەيىن دە ا. ەربوسىن ۇلى ساۋاتتى بوكستاسىپ، شەبەرلىگى باسىم ەكەندىگىن كورسەتە ءبىلدى.

ون راۋندقا سوزىلعان باسەكە مەرزىمىنەن بۇرىن اياقتالماعانىمەن، جەڭىس تورەشىلەردىڭ ءبىراۋىزدى شەشىمىمەن ايدوستىڭ ەنشىسىندە كەتتى. وسىلايشا ايدوس ەربوسىن ۇلى 14- جەڭىسىنە قول جەتكىزىپ، ءوز اتاقتارىن قورعاپ قالدى.

بۇل بوكس كەشىندە كۇتپەگەن جاعداي دا بولدى. جارتىلاي ورتا سالماقتا قازاقستاندىق، ەكىنشى دارەجەلى WBA Inter- Continental, WBO Oriental جانە IBF Australasian تيتۋلدارىنىڭ يەگەرى نۇرسۇلتان جاڭابايەۆ ون راۋندقا ەسەپتەلگەن باسەكەدە فرانسيالىق سەندي مەسساۋدپەن جۇدىرىقتاستى. ەكىنشى راۋندتا نۇرسۇلتان نوكداۋنعا ءتۇسىپ قالسا، جەتىنشى كەزەڭدە قاباعى جارىلعاندىقتان، رەفەري كەزدەسۋدى توقتاتتى. جەڭىس تورەشىلەردىڭ شەشىمىمەن س. مەسساۋدقا بەرىلدى.

ءسويتىپ ن. جاڭابايەۆ بارلىق اتاقتارىنان ايىرىلىپ قالدى. ال 2019-جىلعى ازيا چەمپيونى بەك نۇرماعانبەت كاسىپقوي بوكستاعى قادامىن ءساتتى باستادى. ول ماجارستاندىق تاماش لاسكۋدى (19-22-1) ءبىرىنشى راۋندتا-اق نوكاۋتقا جىبەردى. تاعى ءبىر قازاقستاندىق ەۆگەني پاۆلوۆ كاسىپقوي بوكستاعى العاشقى جەكپە-جەگىن جەڭىسپەن باستادى.

ول دا ماجارستاندىق پاتريك حورۆاتپەن رينگكە شىعىپ، ەكىنشى راۋندتا قارسىلاسىن ءتورت رەت نوكداۋنعا ءتۇسىردى.

ەسكە سالا كەتەيىك، بۇدان بۇرىن قازاقستاندىق بوكسشىنىڭ سالماعى الدەقايدا اۋىر قارسىلاسىن تەحنيكالىق نوكاۋتپەن جەڭگەنىن جازعان بولاتىنبىز.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات