نۇر-سۇلتاندا مۇگەدەك بالالاردى وڭالتۋعا ارنالعان ات سپورتى كەشەنى سالىنىپ جاتىر
بۇل تۋرالى نۇر-سۇلتان قالاسى ساۋلەت، قالا قۇرىلىسى جانە جەر قاتىناستارى باسقارماسىنىڭ قازاقپارات رەداكتسياسىنىڭ ساۋالىنا جاۋاپ بەرۋ بارىسىندا بەلگىلى بولدى.
«ات سپورتى كەشەنى يپپوتەراپيا ءادىسى ارقىلى مۇگەدەك بالالاردى وڭالتۋعا ارنالعان. سونداي-اق، اتالعان نىساندا رەسپۋبليكالىق جانە حالىقارالىق دەڭگەيدەگى سپورتتىق ءىس-شارالاردى وتكىزۋ مۇمكىندىگى بولادى. جوباعا سايكەس كەشەن جابىق مانەجدى دەگەنمەن اشىق باسەكە الاڭىن سالۋ قاراستىرىلعان. ات سپورتى كەشەنىنىڭ قۇرىلىسىن جىلدىڭ سوڭىنا دەيىن اياقتاۋ جوسپارلانۋدا»، - دەلىنگەن اقپاراتتا.
باسقارما بەرگەن مالىمەتكە سۇيەنسەك، اتالعان قۇرىلىستىڭ جالپى كولەمى 10106.59 شارشى مەتردى قۇرايدى. سونىمەن قاتار كەشەن جوسپارىنا سايكەس ەرەكشە كۇتىمدى قاجەت ەتەتىن جاندارعا ارنالعان جابدىقتار مەن ورىندار قاراستىرىلعان. جانە كەشەن تريبۋناسىندا 1300 دەن استام ورىن بار.