قازاقستاندىق بوكسشى سالماعى الدەقايدا اۋىر قارسىلاسىن تەحنيكالىق نوكاۋتپەن جەڭدى

نۇر-سۇلتان. قازاقپارات - مينسكىدە (بەلارۋس) وتكەن كاسىپقوي بوكس كەشىندە اۋىر سالماقتاعى قازاقستاندىق نۇرسۇلتان امانجولوۆ (2-0، 1 ك و) قارسىلاسىن تەحنيكالىق نوكاۋتپەن جەڭدى، دەپ حابارلايدى قازاقپارات ءتىلشىسى.

التى راۋندىق باسەكەدە نۇرسۇلتانعا بوسنيالىق دراجان يانيانين (20-30، 17 ك و) قارسى تۇردى.

د. يانيانيننىڭ سالماعى 129 كەلى بولسا، 27 جاستاعى ن. امانجولوۆ نەبارى 111 كەلى ەدى.

31 جاستاعى بوسنيالىق بوكسشىنىڭ تاجىريبەسى دە مولىراق ەدى، بۇعان دەيىن ول 50 كەزدەسۋ وتكىزىپ ۇلگەرگەن-ءدى.

دەگەنمەن ءتورتباق دەنەلى دراجانعا قاراعاندا، نۇرسۇلتاننىڭ بويى دا، قولى دا ۇزىن ەدى. سول ارتىقشىلىقتارىن ءساتتى پايدالانىپ، قارسىلاسىنىڭ الدىن وراپ كەتىپ وتىردى.

اقىرى ەكىنشى راۋندتان كەيىن بوسنيالىق سپورتشى جەكپە-جەكتى جالعاستىرۋدان باس تارتتى.

وسىلايشا ن. امانجولوۆ كاسىپقوي بوكستاعى ءۇشىنشى جەڭىسىنە قول جەتكىزدى.