قازاق حالقى باي تاريحى مەن مادەنيەتىن كەستە ونەرىنە سىڭىرگەن - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات- ادەتتەگىدەي «قازاقپارات» ح ا ا شەت ەلدەردە قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

كارانتين كەزىندە بالمۇزداققا سۇرانىس ارتتى – ت ر ت

ovidC -19 ىندەتى سەبەپتى كوشەگە شىعۋ شەكتەلگەن كەزەڭدەردە ادامداردىڭ ەڭ كوپ بالمۇزداق جەگەنى بايقالدى، دەپ جازادى تۇركيالىق ب ا ق.

تۇركيا راديو تەليەۆيزيا پورتالىنىڭ حابارىنا قاراعاندا، ازىق- تۇلىك، ءۇي جانە جەكە تازالىق ونىمدەرىمەن تانىمال Unilever كومپانياسى ماۋسىم ايىنا دەيىنگى 3 ايدا بالمۇزداق ساتۋدىڭ 26 پايىزعا ارتقانىن مالىمدەگەن. كوشەگە شىعۋ شەكتەلگەن كەزەڭدە سۋسابىن جانە دەزودورانت سياقتى ونىمدەرگە سۇرانىس ازايعان. سونداي- اق، كارانتين كەزەڭىندە ۇيدە قولدانىلاتىن ازىق- تۇلىك، شاي، دەزينفەكتسيالىق ونىمدەر مەن باسقا دا تازالىق ونىمدەرىنە سۇرانىس ارتقان.

وزبەك جانە قىتاي عالىمدارى بىرلەسىپ، انتيسەپتيكتىڭ جاڭا تەحنولوگياسىن جاسادى – ءو ز ا

گەنەتيكا جانە وسىمدىكتەر ەكسپەريمەنتالدى بيولوگيا ينستيتۋتىنىڭ زەرتحانا مەڭگەرۋشىسى باحتيار راسۋلوۆ باستاعان ءبىر توپ عالىمدار قىتايلىق ارىپتەستەرىمەن (ق ح ر فيزيكا جانە حيميا ينستيتۋتى) بىرلەسە نانوبيوماتەريالدار جاساپ شىعاردى. بۇلاردىڭ ادامدا ءارتۇرلى اۋرۋلاردى تۋدىراتىن پاتوگەندىك ميكروورگانيزمدەرگە قارسى تيىمدىلىگى دالەلدەندى، دەپ حابارلايدى «ءو ز ا» اقپارات اگەنتتىگى.

اتالعان ب ا ق- تىڭ جازۋىنشا، وزبەكستان عىلىم اكادەمياسى بۇل تۋىندىنى مەديتسينادا جانە اۋىل شارۋاشىلىعىندا داقىلداردىڭ فيتوپاتوگەندىك ساڭىراۋقۇلاقتارىنا قارسى كۇرەسكە قولدانۋعا بولاتىنىن مالىمدەگەن.

«2012-2018 -جىلدار ارالىعىندا ەكى ينستيتۋتپەن بىرلەسىپ باكتەريالىق پوليساحاريدتەرگە نانوبولشەكتەردى ەنگىزۋ ارقىلى جاڭا نانوبيوماتەريالداردى الۋ بويىنشا ءبىرقاتار عىلىمي جوبالار جۇزەگە اسىرىلعان. سونىڭ ناتيجەسىندە باكتەريالىق پوليساحاريدتەر نانوبولشەكتەرى بار نانوبيوماتەريالدار وندىرۋدە كەڭىنەن قولدانىلادى. ويتكەنى ولار نانوتەحنولوگيادا ماتريتسا رەتىندە قولدانىلاتىن باسقا قۇرالدارعا قاراعاندا ادام اعزاسىنا زياندى اسەر ەتپەيدى. جوبا اياسىندا زەرتتەۋشىلەر باكتەريالدى بيوپوليمەرلەردى دە قولداندى»، دەپ جازادى ءو ز ا.

نانوبيوماتەريالدىڭ بۇل ءتۇرىنىڭ تاعى ءبىر ماڭىزدى ەرەكشەلىگى - ولاردىڭ ۆيرۋستارعا قارسى تەز ءارى ءتيىمدى ارەكەت ەتۋى. قازىرگى ۋاقىتتا نانوبولشەكتەردى ۆيرۋستارعا قارسى قولدانۋدى زەرتتەۋ جوباسى تالقىلانۋدا.

قازاق حالقى باي تاريحى مەن ءداستۇرلى مادەنيەتىن كەستە ونەرىنە سىڭىرگەن - CNR

«كەستە - قازاقتىڭ تۇرمىستىق مادەنيەتىندەگى تەرەڭ مانگە يە اشەكەيلەۋ ونەرى. قازاقتىڭ ۇستىنە كيەتىن شاپانى، كويلەگى بولسىن، الدە باس كيىمى، اياق كيىمى، دوربا جانە ساكىگە جاباتىن جاپقىش، بولمە ىشىندەگى كەز كەلگەن جابدىقتىڭ كەستەگە قاتىسى جوعى بولمايدى. سوندىقتان قازاق ۇلتىنىڭ ءومىرى وسى ونەرمەن تىكەلەي بايلانىستى دەۋگە بولادى» ، دەپ جازادى قىتايدىڭ «ورتالىق حالىق راديوسى» .

قازاق حالقى كۇندەلىكتى تۇرمىسى كەستە تىگۋگە جانە ويۋ- ورنەك سالۋعا قاتىستى بولادى. ءۇي ىشىندەگى ءار- الۋان كەستە ورنەگىندە كەستەشىلەردىڭ شەبەر ساۋساعىنىڭ ءىزى قالعان. قازاق كەستەسى ماتادان دايىندالعان استارىنا ورنەك سالىپ، ونان سوڭ وزدەرى دايىنداعان الۋان ءتۇستى ءجۇن جىپپەن ءىلۋ، شەگۋ، كەستەلەۋ تاسىلدەرىمەن تىگىلەدى. قازاق ۇلتىنىڭ ۇيىندەگى كەستە ورنەكتەرى كۇندەلىكتى تۇرمىسپەن تىكەلەي قاتىستى بولادى. قوشقار ءمۇيىزدى، سيىر ءمۇيىزدى ويۋ- ورنەكتەر وتباسىنىڭ باقىتتى ەكەنىن، تۇرمىستىڭ شات- شادىماندىعىن بىلدىرەدى. كوزدىڭ جاۋىن الاتىن قازاقي كەستەلەردى تىگىپ بىتىرۋگە نەشە ونداعان، ءتىپتى ءجۇز قانشا كۇن ۋاقىت جۇمسايدى. قازاق حالقى ىسىمەر دە شەبەر قولدارىمەن باي تاريحى مەن ءداستۇرلى مادەنيەتىن ءبىر- بىرلەپ وسى كەستە ونەرىنە سىڭىرگەن.

موڭعوليالىقتار قازاق دارىگەرلەرىنە گۋمانيتارلىق كومەك ۇسىندى – Kaznews

قازاقستان رەسپۋبليكاسىنىڭ موڭعولياداعى ەلشىسى جالعاس ادىلبايەۆ موڭعوليانىڭ جەرگىلىكتى «ماۋلەت قورى» جانە «ەxMed Made in Mongolia» كومپانياسىنىڭ وكىلدەرىمەن كەزدەسۋ وتكىزدى، دەپ حابارلايدى موڭعوليالىق Kaznews اقپارات پورتالى.

اتالعان ب ا ق كەلتىرگەن دەرەككە سۇيەنسەك، قازاقستاندا COVID-19 ىندەتىنىڭ تارالۋ جاعدايىنا بايلانىستى اتالعان جەرگىلىكتى مەكەمەلەردىڭ باستاماسىمەن قازاقستان رەسپۋبليكاسى حالقىنا گۋمانيتارلىق كومەك ۇيىمداستىرىلعان. اتاپ ايتقاندا، گۋمانيتارلىق كومەك رەتىندە دارىگەرلەرگە ارنالعان ساقتاندىرۋ قۇرالدارىن، ماسكا مەن قولعاپتى ەلشىلىككە تابىستاعان.

«ءوز كەزەگىندە ەلشى قازاقستان تاراپىنىڭ اتىنان موڭعول ازاماتتارىنا العىس ايتىپ، بولاشاقتا اتالعان مەكەمەلەرمەن بىرلەسىپ جۇمىس ىستەۋگە نيەت ءبىلدىردى» دەپ جازادى دەرەككوز.

«ەلتاي» اۋىلىنداعى قازاقي كورىنىس - ءو ز ا

وزبەكستاننىڭ «ءو ز ا» اقپارات اگەنتتىگى ناۋاي وبلىسى كەنيمەح اۋدانىنداعى ەلتاي اۋىلنان فوتورەپورتاج جاساپتى.

«وسى اۋىلداعى بۇگىنگى قازاقي كورىنىس. 200 دەي جان بالاسى تۇرمىس كەشەتىن بۇل اۋىلدىڭ تىرشىلىك كوزى - شارۋاشىلىق. قايماعى بۇزىلماي سالت- ءداستۇردى سارى التىنداي ساقتاپ، سانالى ۇرپاق تاربيەلەپ وتىرعان وسىنداعى قاۋىمنىڭ كۇندەلىكتى قاراپايىم كەلبەتى» دەپ جازادى اگەنتتىك.

اۆتور: بەيسەن سۇلتان