ەربوسىن ۇلى مەن جاڭابايەۆتىڭ تيتۋلدى جەكپە- جەگىن قايدان كورۋگە بولادى

نۇر- سۇلتان. قازاقپارات - جەكسەنبى كۇنى، ياعني 26 -شىلدەدە مينسكىدە (بەلارۋس) كاسىپقوي بوكس كەشى وتەدى. وعان بەس قازاقستاندىق بوكسشى قاتىسادى، دەپ حابارلايدى قازاقپارات Sports.kz پورتالىنا سىلتەمە جاساپ.

اتالعان بوكس كەشىندە ايدوس ەربوسىن ۇلى (13-0, 9 ك و) مەن نۇرسۇلتان جاڭابايەۆ (8-0, 5 ك و) تيتۋلدىق جەكپە- جەك وتكىزەدى. نەمىس بوكسشىسى نۋحۋ لاۆالگە (27-6, 15 ك و) قارسى وتەتىن ايقاستا ەربوسىن ۇلى سۋپەر ورتا سالماقتاعى WBO Global, WBC Asia جانە WBA International بەلبەۋىن قورعايدى.

جاڭابايەۆ جارتىلاي ورتا سالماقتا فرانسۋز بوكسشىسى سەندي مەسساۋداعا (13-6, 1 ك و) قارسى شىعىپ، WBA Inter- Continental, WBO Oriental جانە IBF Pan Pacific بەلبەۋلەرىن ساراپقا سالادى. سونىمەن قاتار بۇل بوكس كەشىندە نۇرسۇلتان امانجولوۆ (2-0, 1 ك و) پەن دەبيۋتانتتار بەك نۇرماعانبەت جانە ەۆگەنيي پاۆلوۆ شارشى الاڭعا شىعادى. مينسكىدەگى بوكس كەشىن «حابار» تەلەارناسىنان تىكەلەي ەفيردە تاماشالاۋعا بولادى. ول 26 -شىلدە كۇنى نۇر- سۇلتان ۋاقىتىمەن 21:00 دە باستالادى.