قوعامدىق باقىلاۋ توبى باتىس قازاقستان وبلىسىنا باردى

نۇر- سۇلتان. قازاقپارات - قوعامدىق باقىلاۋ توبى باتىس قازاقستان وبلىسىنا بارىپ، قانداي ءدارى- دارمەك، مەديتسينالىق قۇرال كەرەك ەكەنىن انىقتاۋ ءۇشىن ءبىرقاتار نىساندا بولىپ قايتتى، دەپ حابارلايدى قازاقپارات ءتىلشىسى.

«ب ق و قوعامدىق باقىلاۋ توبى مەن ۆولونتەرلەر وبلىستىق كوپسالالى اۋرۋحاناعا، ءدارى- دارمەك ساقتالىپ تۇرعان ءدارىحاناعا باردى. پروۆيزورلىق ستاتسيناردا جاتقان ناۋقاستاردىڭ تۋعان- تۋىستارىمەن كەزدەستى. سوڭعى كۇندەرى پروۆيزورعا ءدارى- دارمەك كەلىپ جاتىر، كومەكشى رەتىندە سانيتارلار كەرەك» ، - دەيدى ب ق و قوعامدىق باقىلاۋ ۇيلەستىرۋشىسى ايگۇل تۋركينا. ونىڭ ايتۋىنشا، قوعامدىق باقىلاۋ توبى قارتتار ۇيىنە دە بارعان. «ءبىز قارتتار ءۇيىنىڭ باسشىلىعىمەن كەزدەسىپ، مەكەمەدەگى جاعداي قالاي ەكەنىن كوردىك. قازىرگى ۋاقىتتا مەكەمە كارانتيندە، وعان 4№ قالالىق ەمحانا قىزمەت كورسەتەدى. وندا جەدەل جاردەم جانە وسى جەردەگى قارتتارعا قارايتىن دارىگەر بەكىتىلگەن. ءدارى- دارمەك جەتىسپەۋشىلىگى جوق. كوروناۆيرۋسپەن اۋىراتىندار دا جوق. 3 ادام يزولياتوردا. ازىق- تۇلىك جەتكىلىكتى، جەمىس- جيدەك تە بار»،- دەيدى ب ق و قوعامدىق باقىلاۋ ۇيلەستىرۋشىسى. قارتتار ۇيىندەگى باستى ماسەلە - جالاقىنىڭ ازدىعى جانە عيماراتقا جوندەۋ جۇمىستارى جۇرگىزىلمەگەندىگى. «ءتيىستى ورگانعا حابارلاسىپ ەدىك، ولار عيماراتقا جوندەۋ جۇمىسىن جاساۋعا دايىندىق ءجۇرىپ جاتقانىن ايتتى. قوعامدىق باقىلاۋدىڭ باستاماسىمەن جانە وبلىستىق اكىمدىكتىڭ قولداۋىمەن ينتەرنات تۇرعىندارى ءۇشىن 5 كونتسەنترات اكەلىندى. ول ءارتۇرلى دەرتى بار قاريالارعا كەرەك بولىپ قالادى» ، - دەيدى ول.