ءۇندىستان مەن رەسەي جىبەرگەن ءدارى-دارمەك قوستانايعا جەتتى

None
None
قوستاناي. قازاقپارات - ەلىمىزگە ءۇندىستان مەن رەسەيدەن جەتكىزىلىپ جاتقان ءدارى قورىنىڭ قوماقتى ۇلەسى توبىل وڭىرىنە دە جەتتى.

وسىدان كەيىن ايماقتا ءدارىحانا قويمالارىن قاجەتتى ءدارى-دارمەككە تولتىرۋ ماسەلەسى دە رەتتەلە باستادى، دەپ حابارلايدى قازاقپارات.

ءۇندىستان مەن رەسەيدەن كەلگەن ءدارى-دارمەكتىڭ ىشىندە 58 مىڭ قۇتى تسەفترياكسون، 36,5 مىڭ تسەفازولين، 20 مىڭ قاپتاما اتسەتيلين، 3 مىڭ قاپتاما تاميفليۋ مەن تەرافليۋ، سونداي-اق ەم الىپ جاتقان ناۋقاستاردىڭ قانى ۇيىپ قالماۋ ءۇشىن قولدانىلاتىن 200 قاپتاما كلەكسان پرەپاراتى بار.

«ستوفارم» سەرىكتەستىگىنىڭ كوممەرتسيالىق ديرەكتورى سەرگەي اتكيننىڭ ايتۋىنشا، شەتەلدىك دارىلەر ءبىر تاۋلىكتىڭ ىشىندە وبلىستىڭ بارلىق ءدارىحاناسىنا تاراتىلىپ، ساۋداعا شىعارىلا باستادى.

قازىر ۆيرۋسقا قارسى «گروپرينوسين» دەپ اتالاتىن ءدارىنىڭ 3,5 مىڭ قاپتاماسى تاراتىلۋدا.

ايتا كەتەيىك، وبلىس اكىمى ارحيمەد مۇحامبەتوۆ ءدارىحانا جەلىلەرىنىڭ باسشىلارىمەن كەزدەسكەن.

كەزدەسۋ بارىسىندا ءدارىحانالارعا 300 ميلليون تەڭگە بولىنەتىن بولىپ شەشىلدى. بۇل قوسىمشا كومەك ۆيرۋسقا قارسى قولدانىلاتىن پرەپاراتتار، قاننىڭ قويۋلانۋىن تەجەيتىن انتيبيوتيكتەر ساتىپ الۋ ءۇشىن بەرىلدى.

دەنساۋلىق ساقتاۋ باسقارماسىنىڭ مالىمەتىنشە، تاياۋ كۇندەرى وبلىسقا رەسەيدەن شىققان ءدارى-دارمەكتىڭ جاڭا لەگى كەلىپ جەتۋى ءتيىس. الەۋمەتتىك ماڭىزى بار بۇل دارىلەردىڭ ءبارى تۇرمىسى تومەن وتباسىلارعا تاراتىلىپ بەرىلەدى.


سوڭعى جاڭالىقتار