10:49, 22 - شىلدە 2020 | GMT +6
كوبەيتۇز جالعا بەرىلمەيتىن بولدى
اقمولا وبلىسى. قازاقپارات - اقمولا وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسى ەرەيمەنتاۋ اۋدانىنداعى كوبەيتۇز كولىن 49 جىلعا رەكرەاتسيالىق ماقساتتا جالعا بەرىلمەيتىنىن جاريالادى، دەپ حابارلايدى قازاقپارات.
وبلىستىق باسقارما بۇعان دەيىن جاريالانعان كونكۋرستىڭ ءبىرىنشى تارماعى الىنىپ تاستالعانىن ايتتى.
«اقمولا وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسى رەكرەاتسيالىق ماقساتتا جالعا بەرۋ بويىنشا كونكۋرس تىزىمىندەگى سۋ وبەكتىلەرى اراسىنان كوبەيتۇز كولىن الىپ تاستادى»، - دەيدى باسقارما.
بۇعان دەيىن اقمولا وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسى كوبەيتۇز بەن قورجىنكول كولدەرىن 49 جىلعا جالعا بەرۋگە بايقاۋ جاريالاعان ەدى.
ەسكە سالساق، ەلوردادان 170 شاقىرىم جەردە ورنالاسقان كوبەيتۇز كولىنە كارانتين بىتكەنشە بارۋعا تىيىم سالىنعان بولاتىن.
ەندى كوبەيتۇز كولىنەن تۇز بەن باتپاق العاندار جاۋاپكەرشىلىككە تارتىلادى.