+7 (701) 759 90 19
0 °С : نۇر-سۇلتان
7 °С : الماتى
USD 429.75 EUR 507.45
RUB 5.61 CNY 63.93
جاڭالىقتار

قىتايدان كەلگەن قانداس اقىن ىندەتپەن كۇرەسىپ جاتقان ەلگە ارناۋ ايتتى

22 شىلدە 09:30
:ءبولىسۋ
قىتايدان كەلگەن قانداس اقىن ىندەتپەن كۇرەسىپ جاتقان ەلگە ارناۋ ايتتى

نۇر-سۇلتان. قازاقپارات - قىتايدان كەلگەن قانداس اقىن ەرلان امانقوجا ۇلى ىندەتپەن كۇرەسىپ جاتقان قازاق حالقىنا ارناۋ ايتتى، دەپ حابارلايدى قازاقپارات.

ارناۋدىڭ ۆيدەوسىن اقىن الەۋمەتتىك جەلىدەگى پاراقشاسىندا جاريالادى.

«ەل باردا ەر قور بولماس، ەر باردا ەل قور بولماس» دەيدى دانا حالقىمىز. ءدال قازىرگى ءولارا جاعدايدا ەلگە دە، ەل تىزگىنىن ۇستاعان ەرگە دە اۋىر سىناقتار ءتۇسىپ تۇر. جۇدىرىقتاي بولىپ جۇمىلا بىلگەن ەل عانا بۇنداي ناۋبەتتى امان-ەسەن جەڭىپ شىعارى ءسوزسىز. بىرلىگىمىز جاراسپاي ءوز ىشىمىزدەن قۇجىراساق، وندا بۇل جالعان وپا بەرمەسى ايان. «بالاپان باسىنا، تۇرىمتاي تۇسىنا» تارتپاي اۋىز بىرلىگىمىزدى ساقتاپ، قيىن-قىستاۋ جاعدايدان ءوز ەلىمىزبەن بىرگە عانا شىعا الامىز. جات بىرەۋ كەلىپ ءبىزدى جىعىلعان ورىنىمىزدان تۇرعىزبايدى. ەلدىگىمىزدىڭ تۋىن ۇستاپ، كوشىن باستاپ كەلە جاتقان پرەزيدەنت قاسىم-جومارت كەمەل ۇلىنىڭ باستاعان كوشىنە سەنىم ءبىلدىرىپ، وسى قىسپاقتان ەلىن امان الىپ شىعاتىنىنا قولداۋ كورسەتسەك قانا حالىق ويلاعان كۇن تەزىرەك اتار. ەل سەنىمى اقتالار»، - دەيدى اقىن Facebook پاراقشاسىندا.

ەرلان امانقوجانىڭ جازۋىنشا وسى ءبىر كۇردەلى كەزەڭدە شەتتەن كەلگەن قانداستاردىڭ اتىنان پانا بولعان وتانىمىزعا ءبىر اۋىز ريزاشىعىن جەتكىزۋ - ازاماتتىق پارىزى ەكەنىن ايتادى.

«سىن ساعاتتان سۇرىنبەي ءوتىپ، بەتى جامان ىندەتتەن تەزىرەك ايىعىپ، ەلىمىز تىنىش، جۇرتىمىز امان بولسا ەكەن. قازاعىمنىڭ ەل تىزگىنىن سەنىپ تاپسىرعان ازاماتتارى سەنىمىنەن شىعىپ، ءۇمىتىن اقتاپ، ەرتەڭىمىز جارقىن بولسىن!»، - دەيدى ول.

ەرلان امانقوجا ۇلى 1988-جىلى 5- قاراشادا قىتاي حالىق رەسپۋبليكاسىنىڭ ىلە قازاق وبلىسى مۇڭعۇلكۇرە اۋدانىندا دۇنيەگە كەلگەن.

2004 -جىلدان باستاپ ايتىسقا قاتىسقان. ايماقتىق ايتىستا 4 مارتە ءبىرىنشى ورىن، ىلە قازاق اۆتونوميالى وبلىسىنىڭ ءداستۇرلى ايتىستارىندا 2 مارتە باس جۇلدە، شىڭجاڭ ولكەلىك ايتىستا 2 مارتە ەكىنشى ورىندى، ءوزىنىڭ تۋعان جەرى مۇڭعۇلكۇرە اۋدانىندا 12 مارتە باس جۇلدە العان.

2017 -جىلى اتىراۋدا وتكەن حالىقارالىق اقىندار ايتىسىندا ءۇشىنشى ورىندى، 2019-جىلى اقسۋاتتا وتكەن حالىقارالىق ايتىستىڭ باس جۇلدەسىن ەنشىلەگەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات