ەلوردادا ادام ءولىمى تۋرالى انىقتاما بەرۋ ماسەلەسى شەشىلدى

نۇر- سۇلتان. قازاقپارات - ەلورداداعى №9 ەمحانانىڭ ديرەكتورى ساۋلە سماعۇلوۆا كارانتيندە ادام ءولىمى تۋرالى انىقتاما الۋ تۋرالى جۇرتشىلىق شاعىمىنا جاۋاپ بەردى، دەپ حابارلايدى قازاقپارات.

«ادام ءولىمى تۋرالى انىقتاما بەرۋ ماسەلەسىن شەشتىك. بۇل جاعدايدا ۋچاسكەلىك دارىگەرگە نەمەسە ەمحانانىڭ call-ورتالىعىنا حابارلاسۋعا بولادى. نەمەسە جەكە كۋالىكپەن ەمحاناعا كەلۋ كەرەك. انىقتاما مارقۇمنىڭ دياگنوزى مەن ديسپانسەرلىك ەسەپتەگى ديناميكالىق باقىلاۋدى ەسكەرە وتىرىپ بەرىلەدى. بۇل جاعىنان ەش ماسەلە جوق»، - دەپ جاۋاپ بەردى ەمحانا باسشىسى ورتالىق كوممۋنيكاتسيالار قىزمەتىندە جۋرناليستەر سۇراعىنا.

بۇعان دەيىن №5 قالالىق ەمحانا ديرەكتورى التىنشاش تابىلدينا كوروناۆيرۋستان جازىلعان ناۋقاستاردىڭ پ ت ر تاپسىرۋعا مىندەتتى ەمەستىگىن تۇسىندىرگەن ەدى.