ەلوردا ماڭىنداعى «كوبەيتۇزعا» كارانتين بىتكەنشە بارۋعا تىيىم سالىندى
ەرەيمەنتاۋ اكىمى اباي ءالجانوۆ كولدە دەمالۋشىلارمەن اۋداندا كوروناۆيرۋس اۋرۋىنىڭ كەڭ تارالۋىنا بايلانىستى قاۋىپسىزدىك شارالارى تۋرالى تۇسىنىكتەمە جۇرگىزدى.
جالپى 2020-جىلدىڭ 13- شىلدەسىندەگى ەرەيمەنتاۋ اۋدانى اكىمى اباي ءالجانوۆ وتكىزگەن جەدەل شتاب وتىرىسىنىڭ حاتتاماسىندا اتالمىش كولدەرگە قاتىستى ناقتى ەرەجە جازىلعان.
«ەرەيمەنتاۋ اۋدانىنىڭ تۇرعىندارى اراسىندا COVID-19 اۋرۋىنىڭ وسۋىنە بايلانىستى جانە اقمولا وبلىسى بويىنشا باس مەملەكەتتىك سانيتارلىق دارىگەردىڭ 04.07.2020 -جىلعى 86№ بۇيرىعىنا سايكەس، «اۋماقتا كوروناۆيرۋستىق ينفەكتسيانىڭ الدىن الۋ بويىنشا كارانتيندىك شارالاردى كۇشەيتۋ تۋرالى»، ەرەيمەنتاۋ اۋدانىنىڭ اۋماعىندا ەپيدەميولوگيالىق جاعداي تۇراقتالعانعا دەيىن - ەرەيمەنتاۋ اۋدانى شەكاراسى اۋماعىندا ورنالاسقان «كوبەيتۇز»، «كۇربەت»، «تەڭىز»، «قورجىنكول» جانە باسقا دا كولدەرگە بارۋعا تىيىم سالىنادى»، - دەلىنگەن حاتتامادا.
ايتسە دە الەۋمەتتىك جەلىدە تاراعان فوتوسۋرەتتەر مەن ۆيدەولار بۇل حاتتاما تالاپتارى ساقتالماي وتىرعانىن ايعاقتايدى.