+7 (701) 759 90 19
3 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

الماتى ماڭىندا ايۋدان قاشىپ، پالاتكاعا تىعىلعان ءتورت تۋريست قۇتقارىلدى

19 شىلدە 13:43
:ءبولىسۋ
الماتى ماڭىندا ايۋدان قاشىپ، پالاتكاعا تىعىلعان ءتورت تۋريست قۇتقارىلدى

الماتى. قازاقپارات - رەسپۋبليكالىق جەدەل- قۇتقارۋ وتريادىنىڭ (ر ج ق و) قۇتقارۋشىلارى الماتى ماڭىنداعى ىلە الاتاۋدا ءتورت تۋريستى اجالدان امان الىپ قالدى، دەپ حابارلايدى قازاقپارات ءتىلشىسى ر ج ق و باسپا ءسوز قىزمەتىنە سىلتەمە جاساپ.

ىلە الاتاۋى كوركىنە كوز تويمايتىن كوركەم ولكە. اڭ-قۇسقا باي ايماق. كارانتين ۋاقىتىندا ادامدار دەمالۋ ءۇشىن ول جاققا بارۋدى ازايتا باستادى. سودان دا بولسا كەرەك، جابايى اڭدار ىلديعا ءتۇسۋدى جيىلەتكەن.

«17- شىلدە كۇنى تۇندە رەسپۋبليكالىق جەدەل-قۇتقارۋ وتريادىنىڭ كەزەكشى بولىمىنە ءتورت تۋريستىڭ كومەككە ءزارۋ ەكەنى تۋرالى حابارلاما كەلىپ ءتۇستى. ءتورت جىگىت الما-اراسان اڭعارىنىڭ تۇسىنا جاقىنداپ، سول جەرگە ۋاقىتشا تۇراقتاعان. ەندى ۇيلەرىنە جينالا بەرگەندە جاقىن ماڭنان ءتۇز تاعىسىنىڭ گۇرىلدەگەن داۋىسى شىعىپتى. ونىڭ ايۋ ەكەنىن بايقاعان جىگىتتەر پالاتكاعا تىعىلىپ قالادى. ىشتە وتىرىپ، ءتورت جىگىت ايۋدىڭ ماڭايدى تىمىسكىلەپ جۇرگەنىن سەزەدى. ايۋ كەتكەن. قاراڭعىلىق تۇسكەننەن سوڭ تۋريستەر قايدا بارارىن بىلمەي دال بولىپتى. ولار پوليتسياعا حابار بەرىپ، وقيعا ورنىنا ر ج ق و قىزمەتكەرلەرى جەتكەن»، - دەلىنگەن حابارلامادا.

ۇرەيلەنگەن تۋريستەردى قۇتقارۋشىلار پوليتسيا قىزمەتكەرلەرىنە تاپسىردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات