«ورتالىق ازيا - قىتاي» ساياسي ديالوگى ىسكە قوسىلدى

نۇر- سۇلتان. قازاقپارات - قازاقستاننىڭ سىرتقى ىستەر ءمينيسترى مۇحتار تىلەۋبەردى «ورتالىق ازيا - قىتاي» جوعارى دەڭگەيدەگى ءبىرىنشى وتىرىسىنا قاتىستى.

بۇل تۋرالى قازاقپارات س ءى م باسپا ءسوز قىزمەتىنە سىلتەمە جاساپ

حابارلايدى.

بەينەكونفەرەنتسياعا سونداي- اق، قىتاي، قىرعىزستان، تاجىكستان، تۇرىكمەنستان جانە وزبەكستان سىرتقى ساياسي ۆەدومستۆولارىنىڭ باسشىلارى قاتىستى. ءىس- شارا بارىسىندا مينيسترلەر حالىقارالىق جانە وڭىرلىك كۇن تارتىبىندەگى ءبىرقاتار وزەكتى ماسەلەلەر بويىنشا پىكىر الماستى. قاتىسۋشىلار ورتالىق ازيا مەملەكەتتەرى مەن قىتاي اراسىنداعى دوستىق، تاتۋ كورشىلىك جانە ءوزارا تيىمدىلىك نەگىزىندە كوپجوسپارلى ىنتىماقتاستىقتى جانداندىرۋ ورتاق مۇددەلەرگە جاۋاپ بەرەتىنىن، وڭىردەگى ەكونوميكالىق ءوسۋ مەن قاۋىپسىزدىكتىڭ ماڭىزدى فاكتورى بولىپ تابىلاتىنىن اتاپ ءوتتى. پاندەميامەن كۇرەستە تىعىز ءوزارا ءىس- قيمىل جاساۋ، ونىڭ تەرىس سالدارىن جويۋ جانە ءوڭىر ەلدەرىنىڭ ەكونوميكاسىن قالپىنا كەلتىرۋ ماسەلەلەرىنە ءبىرىنشى كەزەكتە نازار اۋدارىلدى.

قازاقستان كورسەتىلگەن گۋمانيتارلىق كومەك پەن پاندەميامەن كۇرەستە جان- جاقتى قولداۋ كورسەتكەنى ءۇشىن قىتاي تاراپىنا ريزاشىلىعىن ءبىلدىردى. وتىرىسقا قاتىسۋشىلاردىڭ پىكىرىنشە، COVID-19 كەڭ تارالۋىنىڭ الدىن الۋ بويىنشا ءماجبۇرلى شارالار ىشكى ايماقتىق موبيلدىكتىڭ جانە سىرتقى ەكونوميكالىق قىزمەتتىڭ ايتارلىقتاي تومەندەۋىنە اكەلدى. تاراپتار ايماقتىق ەكونوميكالىق ينتەگراتسيانى ىلگەرىلەتۋدە، ساۋدانى جانداندىرۋدا جانە ءوزارا ينۆەستيتسيالاردى ىنتالاندىرۋدا كۇش- جىگەردى بىرىكتىرۋدى قولدادى. شەكارالاردا سانيتارلىق- كارانتيندىك شارالاردىڭ قولدانىلۋى جاعدايىندا جۇك تاسىمالى مەن تاۋارلاردىڭ ءترانزيتى ەرەكشە ماڭىزعا يە بولدى. قىتاي تاراپى ءبىزدىڭ ەلدەرىمىزدىڭ ەكونوميكالارىنىڭ ءوزارا بايلانىسىن ەسكەرە وتىرىپ، ترانسشەكارالىق جۇك اعىنىن ۇزدىكسىز قامتاماسىز ەتۋ ماقساتىندا ورتالىق ازيا سەرىكتەستەرىنە «جاسىل دالىزدەردى» ۇيىمداستىرۋعا دايىن ەكەنىن مالىمدەدى.

ورتالىق ازيا مەن قىتايدىڭ سىرتقى ساياسي ۆەدومستۆولارىنىڭ باسشىلارى سيفرلاندىرۋ، قارجى قىزمەتتەرى، ەلەكتروندىق كوممەرتسيا، اقىلدى قالالار جانە باسقا دا «نوۋ- حاۋ» سياقتى ءوسۋ درايۆەرلەرى بويىنشا كووپەراتسيا مۇمكىندىكتەرىن تالقىلادى. عىلىمي- قولدانبالى سالادا، اتاپ ايتقاندا، عىلىمدى قاجەتسىنەتىن ءونىم شىعارۋ، سونداي- اق فارماتسيەۆتيكالىق سالاداعى كووپەراتسيانى دامىتۋ بويىنشا ىنتىماقتاستىقتى جولعا قويۋعا ازىرلىگى اتاپ ءوتىلدى. سىرتقى ىستەر مينيسترلەرى «ورتالىق ازيا - قىتاي» فورماتىن بەكىتۋ تۋرالى شەشىم قابىلداپ، تۇراقتى كوپجاقتى ساياسي ديالوگتى جالعاستىرۋدى قولدادى. كەزدەسۋ قورىتىندىسى بويىنشا تاراپتار بىرلەسكەن مالىمدەمە قابىلدادى.