كارانتين كەزىندە توي جاساعاندارعا قىلمىستىق ءىس قوزعالۋى مۇمكىن

None
None
نۇر- سۇلتان. قازاقپارات - ادىلەت ءمينيسترى مارات بەكەتايەۆ كارانتين ءتارتىبىن ساقتاماي، توي جاساعاندار قالاي جازالاناتىنىن ايتتى، دەپ حابارلايدى قازاقپارات ءتىلشىسى.

«مۇنداي جاعدايدا ءتيىستى زاڭ بابىنا سايكەس، العاشقى جاعدايدا ايىپتالۋشىعا 83 مىڭ تەڭگە كولەمىندە ايىپپۇل سالىنادى. ەگەر مۇنداي شارالاردىڭ بارىسىندا ازاماتتار جاپپاي ۆيرۋس جۇقتىرسا، ايىپپۇلدىڭ دا كولەمى ايتارلىقتاي كوپ بولادى. ال وقيعانىڭ سالدارى جاعىمسىز جاعدايعا اپارسا، قىلمىستىق ءىس تە قوزعالۋى ىقتيمال»، - دەدى مارات بەكەتايەۆقا و ك ق- دا وتكەن باسپا ءسوز ءماسليحاتىندا.

ەسكە سالا كەتسەك بۇعان دەيىن مارات بەكەتايەۆ كوكتەمگى كارانتيندە قازىرگى، ياعني جازعى كارانتيندەگىدەي ايىپپۇل نەلىكتەن سالىنباعانىن تۇسىندىرگەن بولاتىن.

«ءتارتىپ قاتايا ءتۇستى. قازىرگى ۋاقىتتا بۇل ەرەجەلەر قوعامدىق ورىنداعى، جابىق نىساندارداعى جانە كولىكتەگى ازاماتتاردىڭ ارەكەتىنە بايلانىستى. «ولار ءوزىن قالاي ۇستاۋى كەرەك؟ ەرەجەنى بۇزسا، قالاي جازالانادى؟ زاڭبۇزۋشىعا قانداي اكىمشىلىك جازا تاعايىنداۋ كەرەك؟» دەگەن سۇراقتار توڭىرەگىندە پىكىرتالاس كوپ بولدى. كوكتەمدە ق ر ا ق ب ج ك 476-بابى قولدانىلسا، قازىر 425-باپ بويىنشا ازاماتتار جازالانىپ جاتىر»، - دەدى ول.

اۆتور: ايان بەكەن ۇلى

سوڭعى جاڭالىقتار