+7 (701) 759 90 19
25 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كارانتين ۋاقىتىندا قالا شەتىندە دەمالۋعا رۇقسات بار ما

15 شىلدە 20:03
:ءبولىسۋ
كارانتين ۋاقىتىندا قالا شەتىندە دەمالۋعا رۇقسات بار ما

نۇر- سۇلتان. قازاقپارات - ادىلەت ءمينيسترى مارات بەكەتايەۆ كارانتين ۋاقىتىندا تابيعاتتا نەمەسە قالا شەتىندە دەمالۋعا رۇقسات بارىن، الايدا ادامدار كوپ جينالماۋ كەرەكتىگىن ءمالىم ەتتى، دەپ حابارلايدى قازاقپارات ءتىلشىسى.

«ناقتى قاي جەردە دەمالعىڭىز كەلەتىنىن ايقىنداپ الۋ كەرەك. اكىمدىكتەر شەكتەۋ قويىپ تاستاعان اۋماقتار بار. بۇل نەگىزىنەن ادامدار كوپ جينالاتىن ورىندار - قالاداعى جاعاجايلار، باقتار. البەتتە بارۋعا بولمايتىن وسىنداي ورىندا دەمالساڭىز - ول زاڭ بۇزۋشىلىق بولىپ ەسەپتەلەدى. جالپى تابيعاتقا شىعۋعا بولادى. الايدا ادامدار كوپتەپ جينالماۋ كەرەك. ەگەر بىرنەشە وتباسى بىرىگىپ، دەمالعىسى كەلسە - وندا ول كارانتين ءتارتىبىن بۇزعان بولىپ ەسەپتەلەدى. ال ءبىر وتباسى وپ- وڭاي قالا سىرتىندا دەمالا الادى. الايدا بۇل رەتتە بارلىق ەرەجە ساقتالۋى ءتيىس»، - دەدى مارات بەكەتايەۆ و ك ق- دا وتكەن باسپا ءسوز ءماسليحاتىندا.

ەسكە سالا كەتسەك مارات بەكەتايەۆ بۇعان دەيىن كارانتين ءتارتىبىن ساقتاماي، توي جاساعاندار قالاي جازالاناتىنىن ايتقان بولاتىن.

«مۇنداي جاعدايدا ءتيىستى زاڭ بابىنا سايكەس، العاشقى جاعدايدا ايىپتالۋشىعا 83 مىڭ تەڭگە كولەمىندە ايىپپۇل سالىنادى. ەگەر مۇنداي شارالاردىڭ بارىسىندا ازاماتتار جاپپاي ۆيرۋس جۇقتىرسا، ايىپپۇلدىڭ دا كولەمى ايتارلىقتاي كوپ بولادى. ال وقيعانىڭ سالدارى جاعىمسىز جاعدايعا اپارسا، قىلمىستىق ءىس تە قوزعالۋى ىقتيمال»، - دەدى ول.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات