ەلوردالىق كۇيشى كوبەيتۇزدىڭ جاعاسىندا «كورۇعلى» كۇيىن بەبەۋلەتتى

None
None
نۇر- سۇلتان. قازاقپارات - الەۋمەتتىك جەلىدە بويجەتكەننىڭ قىزعىلت ءتۇستى كوبەيتۇزدىڭ جاعاسىندا «كورۇعلى» كۇيىن شەرتىپ وتىرعان ۆيدەوسى تاراپ، كۇيشى كوپتىڭ قۇرمەت- قوشەمەتىنە بولەنۋدە، دەپ حابارلايدى قازاقپارات.

«كوپشىلىكتىڭ سۇراۋى بويىنشا - «كورۇعلى» كۇيى. كۇي اڭىز نەگىزىندە قۇرالعان. «كور» قازاق تىلىندە «مازار» دەگەندى بىلدىرەدى. ياعني، كورۇعلى «مازاردىڭ بالاسى» ماعىناسىن بەرەدى. اياعى اۋىر ايەل قايتىس بولىپ، سول كۇيىندە جەرلەنەدى. الايدا قۇرساعىنداعى نارەستە دۇنيەگە كەلىپ، انا سۇتىمەن ساعات سايىن ءوسىپ، ەرجۇرەك باتىر بولادى»، - دەپ جازدى instagram پاراقشاسىندا ۆيدەونى بولىسكەن ەلوردالىق كۇيشى ماقپال قاپسامات.

داۋلەتكەرەيدىڭ ايگىلى كۇيىنىڭ بىرەگەي تابيعات اياسىندا ورىندالعانىنا كوپشىلىك تامسانىپ، كۇيشى بويجەتكەنگە العىسىن جولداۋدا.

ەسكە سالا كەتسەك وسى ايدىڭ باسىندا ەلىمىزدىڭ ۇلتتىق دومبىرا كۇنى وتكەن بولاتىن. جىل سايىن شىلدەنىڭ العاشقى جەكسەنبىسىنە ءدوپ كەلەتىن، ۇلتتىق اسپابىمىزدى ۇلىقتاۋعا ارنالعان بۇل مەرەكە ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ جارلىعىمەن 2018 -جىلدان بەرى ەلىمىزدە كەڭىنەن اتالىپ وتەدى. جالپى ەرەيمەنتاۋ اۋدانىنداعى كوبەيتۇز كولىنە باراتىن تۋريستەر كوبەيىپ كەلەدى. ەلدەگى شەكتەۋ شارالارىنا بايلانىستى حالىق شەتەلگە دەمالىسقا بارا الماي، ەلىمىزدىڭ بىرەگەي ورىندارىن ارالاۋدا. تۋريستەردىڭ تارتىمدى ورىندارىنىڭ ءبىر - وسى كوبەيتۇز كولى بولىپ وتىر.


اۆتور: ايان بەكەن ۇلى

سوڭعى جاڭالىقتار