دۇكەنگە نەمەسە ءدارىحاناعا ماسكاسىز كىرگەندەرگە ايىپپۇل سالىنادى
بۇل سۇراققا ادىلەت ءمينيسترى مارات بەكەتايەۆ جاۋاپ بەردى، دەپ حابارلايدى قازاقپارات ءتىلشىسى.
«كوشەگە شىعىپ جۇگىرۋگە، سەرۋەندەۋگە بولادى. ءۇش ادامعا دەيىن جۇرگەندەرگە ەشقانداي جاۋاپكەرشىلىك جۇكتەلمەيدى. ءتىپتى ءسىز دالاعا ماسكاسىز شىقساڭىز دا ەشقانداي جاۋاپكەرشىلىككە تارتىلمايسىز. الايدا ەگەر دۇكەنگە نەمەسە ءدارىحاناعا ماسكاسىز كىرسەڭىز، جاۋاپكەرشىلىك بولادى. ويتكەنى ول - جابىق نىسان»، - دەدى مارات بەكەتايەۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، قازاقستاندا قاتاڭ كارانتين شارالارى 2 - تامىزعا دەيىن ۇزارتىلعان بولاتىن.
«مەملەكەت باسشىسى قاسىم- جومارت توقايەۆ ۇكىمەتتىڭ كەڭەيتىلگەن وتىرىسىندا الداعى كەزەڭگە ءبىرقاتار ناقتى مىندەتتەمە بەلگىلەدى. قاتاڭ كارانتيندىك شارالاردىڭ ەكىنشى اپتاسى ءوتىپ جاتىر. ۆيرۋستىڭ تارالۋى بويىنشا جاعداي كۇردەلى. دەنساۋلىق ساقتاۋ مينيسترلىگىنىڭ ۇسىنىسى بويىنشا ەپيدەميولوگيالىق احۋالدى ودان ارى تۇراقتاندىرۋ ءۇشىن شەكتەۋ شارالارىن تاعى ەكى اپتاعا، 20 - شىلدەدەن باستاپ 2 - تامىزعا دەيىن ۇزارتۋ تۋرالى شەشىم قابىلداپ وتىرمىز»، - دەدى پرەمەر- مينيستر ۇكىمەت وتىرىسىندا.