+7 (701) 759 90 19
28 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قويمالاردان جىبەرىلەتىن ءدارى- دارمەكتەردىڭ كولەمى جەتى ەسەگە ءوستى

15 شىلدە 18:44
:ءبولىسۋ
قويمالاردان جىبەرىلەتىن ءدارى- دارمەكتەردىڭ كولەمى جەتى ەسەگە ءوستى

الماتى. قازاقپارات - ءدارى دارمەكتەردى راسىمدەۋ مەن سەرتيفيكاتتاۋدى جەدەلدەتۋ ارقاسىندا ءىرى جەتكىزۋشىلەردىڭ شەتەلدەن كەلەتىن ءدارى- دارمەكتەردىڭ كولەمىن ۇلعايتۋعا مۇمكىندىگى ارتىپ وتىر، دەپ حابارلايدى قازاقپارات ءتىلشىسى.

«مەدسەرۆيس پليۋس» فارماتسيەۆتىك كومپانياسىنىڭ بيزنەستى دامىتۋ جونىندەگى ديرەكتورى سايدا ەردەنبەكوۆا الماتىداعى كوروناۆيرۋس پاندەمياسىنا بايلانىستى فارمقويمالاردىڭ كۇشەيتىلگەن رەجيمدە جۇمىس جاساپ جاتقانىن ايتتى. ول ءوزىنىڭ سوزىندە الماتى ءدارىحانالارىنا ءدارى- دارمەكتىڭ دەر كەزىندە جەتۋى ءۇشىن قويمانىڭ 80 قىزمەتكەرى ەڭبەك ەتىپ جاتقانىن تىلگە تيەك ەتتى. س. ەردەنبەكوۆانىڭ مالىمەتى بويىنشا، سوڭعى ەكى اپتادا ومىرلىك ماڭىزى بار ءدارى- دارمەككە دەگەن سۇرانىس كۇرت ارتقان. بۇرىنعى كەزەڭمەن سالىستىرعاندا، ءدارىحانالارعا جىبەرىلەتىن پرەپاراتتاردىڭ كولەمى شامامەن جەتى ەسەگە ۇلعايعان. قويمالاردا مەديكامەنتتەردىڭ 12 مىڭ ءتۇرى بار. كومپانيا كۇن سايىن جۇك تيەلگەن جەتى فۋرانى قابىلدايدى.

«كۇن سايىن ۇلكەن جۇك كولىكتەرىن، شامامەن 5-7 فۋرانى قابىلدايمىز. ولارعا تيەلگەن تاۋارلار قويمالاردا وڭدەلەدى، ارتىنان الماتىنىڭ ءدارىحانالارىنا بولىنەدى. ءبىزدىڭ كومپانيا قالانىڭ 700-800 گە جۋىق ءدارىحانالارىنا قىزمەت كورسەتەدى»، - دەدى س. ەردەنبەكوۆا.

«مەدسەرۆيس پليۋس» كومپانياسىنىڭ قويمالارى 2016 -جىلدان باستاپ جۇمىس جاساۋدا. مۇندا اۆستريالىق كونۆەيەر جەلىسى، گراۆيتاتسيالىق ستەللاجدار جانە يەۆروپالىق ءوندىرىس جابدىقتارى قولدانىلادى.

«پاندەميا باستالعالى بەرى ادامدار ايانباي جۇمىس ىستەۋدە. مەگاپوليستىڭ ءدارىحانالارىنا تاۋاردى دەر كەزىندە جەتكىزۋ ءۇشىن قىزمەتكەرلەرىمىز كەيدە ءتۇن جارىمىنا دەيىن قالىپ، جۇمىس ىستەيدى. ءبىز بارلىعىمىز قالادا قانداي كۇردەلى احۋالدىڭ قالىپتاسقانىن جاقسى تۇسىنەمىز. سوندىقتان يگى باستامالاردىڭ يەلەرى - كومپانيا قىزمەتكەرلەرى. قاجەت بولسا ءبىز دە ءتۇن جارىمىنا دەيىن قالامىز»، - دەدى س. ەردەنبەكوۆا.

ول قالا باسشىلىعىنىڭ سەرتيفيكاتتاردى جەدەل راسىمدەۋگە، لوگيستيكا مەن جۇكتى تيەۋگە پارمەندى كومەك كورسەتىپ وتىرعانىن اتاپ ءوتتى.

«اكىمدىك تاراپىنان ايرىقشا قولداۋ كورسەتىلۋدە، اسىرەسە ولار جىبەرگەن ۆولونتەرلار جۇكتى ءتۇسىرۋ مەن بولۋگە، تاسىمالداۋعا دەر كەزىندە كومەك كورسەتۋدە. كەدەندىك ورگانداردىڭ جۇمىستارى دا رەتتەلدى. قازىرگى كەزدە شەتەلدەن جەتكىزىلگەن مەدپرەپاراتتار جەدەل وڭدەلۋدە. وتكىر ماسەلەلەر ونلاين شەشىمىن تابۋدا. سونىڭ ارقاسىندا ءبىز قاي ءدارىحاناعا كومەكتەسۋ كەرەك ەكەنىن، قاي جەردە ىركىلىس بولعانىن، اكىمدىكتىڭ قانداي ماسەلەنى شەشەتىنىن ءبىلىپ وتىرامىز. بۇل بارىنشا ىڭعايلى»، - دەدى س. ەردەنبەكوۆا.

ايتا كەتەرلىگى، «مەدسەرۆيس پليۋس» كومپانياسى گۋمانيتارلىق كومەك اياسىندا كەلگەن مەديكامەنتتەردى ءبولۋدىڭ وپەراتورى بولىپ تابىلادى.

«كەشە ددسۇ دەنساۋلىق ساقتاۋ جەلىسى بويىنشا كومەك جەتكىزىلدى. ياعني، 8 فۋرا كەلدى، ءبىز قازىر ولاردى قابىلداپ، الماتى قالاسىنا جانە باسقا وڭىرلەرگە بولۋمەن اينالىسىپ جاتىرمىز» ، - دەپ اتاپ ءوتتى س. ەردەنبەكوۆا.

بارلىق گۋمانيتارلىق كومەك تەگىن مەديتسينالىق كومەكتىڭ كەپىلدى كولەمى اياسىندا ەمحانالار مەن اۋرۋحانالارعا جىبەرىلەدى. كەلگەن كومەك قازاقستان بويىنشا 14 فيليالعا بولىنەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات