پنيەۆمونيا كوروناۆيرۋس ستاتيستيكاسىندا نەلىكتەن ەسەپكە الىنبايدى

نۇر- سۇلتان. قازاقپارات – ق ر دەنساۋلىق ساقتاۋ ۆيتسە- ءمينيسترى ليۋدميلا بيۋرابەكوۆا ەلىمىزدە وكپە قابىنۋى كوروناۆيرۋس ستاتيستيكاسىندا نەلىكتەن ەسەپكە الىنبايتىندىعىن ءتۇسىندىردى، دەپ حابارلايدى قازاقپارات ءتىلشىسى.

«ءبىز ءقازىر حالىقارالىق ۇيىمدارمەن، دۇنيەجۇزىلىك دەنساۋلىق ساقتاۋ ۇيىمىمەن كەلىسسوز جۇرگىزىپ جاتىرمىز. بۇگىنگى كۇنى د س ۇ ۇسىنىمىنا سايكەس، ستاتيستيكاعا پ ت ر- ءدىڭ وڭ ناتيجەسى بار جاعدايلار عانا كىرىپ وتىر»، - دەدى ول ب ا ق وكىلدەرىنىڭ ساۋالىنا وراي.

سونىمەن قاتاپ ەلىمىزدىڭ دەنساۋلىق ساقتاۋ مينيسترلىگى ءدال وسى ماسەلەگە بايلانىستى دۇنيەجۇزىلىك دەنساۋلىق ساقتاۋ مينيسترلىگىنە سۇرانىس جىبەرگەنىن ايتتى.

«كەلىسسوزدەر ارقىلى ەسەپكە الىنۋى ءتيىس مالىمەتتەرگە قاتىستى ورتاق شەشىمگە كەلەمىز. ءاربىر ەلدىڭ ستاتيستيكا مەن ەسەپكە الۋعا قاتىستى ءوز جولى بار. ءبىز سونى بىرىزدەندىرىپ، بارلىق ەلمەن قاتار جۇرگىمىز كەلەدى»، - دەدى ليۋدميلا بيۋرابەكوۆا.