قازاقستاندىقتار ءوز قاجەتتىلىگى ءۇشىن وزگە ەلدەردەن ءدارى- دارمەك الىپ كەلە الا ما

نۇر- سۇلتان. قازاقپارات - قازاقستاندىقتار ءوز قاجەتتىلىگى ءۇشىن كورشى ەلدەردەن ءدارى- دارمەكتى ەش كەدەرگىسىز الىپ كەلە الادى.

بۇل تۋرالى ورتالىق كوممۋنيكاتسيالار قىزمەتىندەگى برفينگ بارىسىندا ق ر دەنساۋلىق ساقتاۋ ۆيتسە- ءمينيسترى ليۋدميلا بيۋرابەكوۆا ايتتى، دەپ حابارلايدى قازاقپارات ءتىلشىسى.

ۆيتسە- ءمينيستردىڭ اتاپ وتۋىنشە، رەسەي فەدەراتسياسىمەن شەكارالاس جاتقان اۋماقتا تۇراتىن قازاقستانىقتار بۇل ەلدەن ءوزى جانە جاقىن تۋعان- تۋىستارى ءۇشىن ءتيىستى قۇجاتتارى بولعان كەزدە ءدارى- دارمەكتى الىپ كەلە الادى. ويتكەنى، بۇگىنگى كۇنى زاڭنامادا وزىنە قاجەتتى دارىلىك زاتتاردى تاسىمالداۋعا شەكتەۋ قاراستىرىلماعان. «ياعني، اتالعان دارىلىك زات كۋرستىق دوزا بولسا نەمەسە جاقىن تۋعان- تۋىسقا ارنالسا، وندا ءتيىستى قۇجاتتارىن ۇسىنعان جاعدايدا تاسىمالداۋعا ەشقانداي شەكتەۋ جوق»، - دەدى ليۋدميلا بيۋرابەكوۆا.