13:31, 15 - شىلدە 2020 | GMT +6
قىتاي ەلشىلىگى قازاقستانداعى وكپە قابىنۋىنا قاتىستى تەرىس اقپاراتىنا تۇزەتۋ ەنگىزدى
نۇر- سۇلتان. قازاقپارات - قىتاي ەلشىلىگى قازاقستانداعى وكپە قابىنۋىنا قاتىستى تەرىس اقپاراتىنا تۇزەتۋ ەنگىزدى.
بۇل تۋرالى ورتالىق كوممۋنيكاتسيالار قىزمەتىندەگى بريفينگ بارىسىندا ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ ايتتى، دەپ حابارلايدى قازاقپارات ءتىلشىسى.
«ءبىز قىتاي ەلشىلىگى تاراتقان اقپارات شىعا سالا ەلشى مىرزامەن جاڭادان تاعايىندالعان دەنساۋلىق ساقتاۋ ءمينيسترى اراسىنداعى تەلەفون سۇحباتىن ۇيىمداستىردىق. بارلىق ماسەلە بويىنشا ءتيىستى اقپارات، تۇسىنىكتەمە قىتاي تاراپىنا جەتكىزىلدى. ناتيجەسىندە ەلشىلىك ءوزى تاراتقان اقپاراتقا ءتيىستى وزگەرىستەر ەنگىزدى»، - دەدى ەرجان اشىقبايەۆ.