+7 (701) 759 90 19
-12 °С : نۇر-سۇلتان
-3 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

الماتىدا قۇيرىق ماي ەكى ەسە قىمباتتادى

15 شىلدە 13:12
:ءبولىسۋ
الماتىدا قۇيرىق ماي ەكى ەسە قىمباتتادى

نۇر-سۇلتان. قازاقپارات - الماتىلىقتار سوڭعى كەزدە قىمىزدان بولەك تاعى ءبىر ءونىمدى - قۇيرىق مايدى كوبىرەك الىپ جاتىر.

قالا تۇرعىندارى قۇيرىق مايدى كوپ مولشەردە العان سوڭ ونىڭ باعاسى ەكى ەسە ارتتى، - دەپ حابارلايدى «حابار 24» تەلەارناسى.

تەلەارنانىڭ حابارلاۋىنا قاراعاندا، الماتىنىڭ كوتەرمە بازارلارىندا قۇيرىق مايدىڭ كيلوگرامى مىڭ تەڭگە بولعان. الايدا وسى كۇندەرى قۇيرىق ماي ەكى ەسە قىمبات ءارى تەز ساتىلىپ جاتىر.

بۇعان الەۋمەتتىك جەلىدەگى ءونىمنىڭ ەمدىك قاسيەتى تۋرالى جازبالار سەبەپ بولۋى مۇمكىن. جەلى پايدالانۋشىلارى مايدى ىشكە قابىلداۋ جانە سىرتقا جاعۋ رەتسەپتەرىن ءبولىسىپ جاتىر. ولار ءتىپتى قۇيرىق مايدان ميكستۋرا، ياعني سۇيىق ءدارى دە ويلاپ تاپقان.

دەگەنمەن دارىگەرلەر قۇيرىق ماي بارلىق اۋرۋعا ەم بولا بەرمەيتىنىن ەسكەرتەدى. بۇرىن قۇيرىق مايدى سۋىق تيگەن كەزدە، ونىڭ ىشىندە وكپە اۋرۋلارىن ەمدەگەندە پايدالانعان. عالىمدار مايدىڭ پايداسى بارىن راستايدى، ءبىراق ونى تەك اۋىرعان كەزدە پايدالانۋ كەرەك، ۇنەمى بولمايدى دەپ ەسكەرتەدى.

«سۋىق ءتيىپ اۋىرعان كەزدە عانا - سول ۋاقىتتا كومەكتەسەدى. ءبىراق بۇل اسىرا پايدالانىپ، ۇنەمى پايدالانۋ كەرەك دەگەندى بىلدىرمەيدى. مايلاردا ەنەرگيا كوپ. جەگەن سوڭ ونى ىدىراتۋ كەرەك، قورىتۋ كەرەك. ەگەر اعزادا قالدىرساڭ، پايدا ەمەس، زيانى كوبىرەك بولادى. سوندىقتان حولەستەرين جۇرەك-قان تامىر اۋرۋلارىنا اسەر ەتەدى، ميعا قاتتى قاۋىپتى اسەر ەتەدى»، - دەدى قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ.

ينستيتۋتتاعىلار جىلقى ەتىن جەۋگە كەڭەس بەرەدى. بۇل ەت تەز قورىتىلىپ، يممۋنيتەتتى كوتەرەتىنىن اتاپ ءوتتى.

ەسكە سالايىق، يزرايل عالىمدارى حولەستەرين دەڭگەيىن تۇسىرۋگە كومەكتەسەتىن «فەنوفيبرات» پرەپاراتى كورونوۆيرۋس جۇقتىرىپ، اۋىرىپ قالعان ناۋقاستاردى ەمدەۋگە كومەكتەسەتىنىن انىقتادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات