دارىگەر كوروناۆيرۋستىڭ جەڭىل تۇرىمەن اۋىرىپ جاتقاندارعا سارى ماي قوسىلعان جىلى ءسۇت ءىشۋدى ۇسىندى

نۇر-سۇلتان. قازاقپارات - الماتىلىق دارىگەرلەر كوروناۆيرۋستىڭ جەڭىل تۇرىمەن اۋىرىپ جاتقاندارعا مورس پەن ماي ارالاسقان جىلى ءسۇت ءىشۋدى ۇسىندى، - دەپ حابارلايدى «الماتى» تەلەارناسى.

ينفەكتسيونيست دارىگەر شولپان اۋەلبەكوۆانىڭ سوزىنشە، كوروناۆيرۋستىڭ جەڭىل تۇرىمەن اۋىرىپ جاتقاندار اسكوربين قىشقىلى بار سۇيىقتىقتى ءجيى ءىشۋ كەرەك.

ماماننىڭ ايتۋىنشا، ءجيى سۋ ءىشىپ، جۇتقىنشاقتى ءار ەكى ساعات سايىن شايقاۋ كەرەك. سونىمەن قاتار، ءۇي جاعدايىندا جاسايتىن حالىق مەديتسيناسى دا ينفەكتسيانىڭ سيمپتومدارىن ازايتۋعا سەپتىگىن تيگىزەدى.

«كومپوت، جيدەكتەردەن جاسالعان مورس ىشۋگە بولادى. جىلى سۇتكە سارى ماي نە قويدىڭ مايىن قوسىپ ىشۋگە بولادى. ول تاماقتىڭ قۇرعاۋى مەن قىشۋىن توقتاتادى»، - دەيدى مامان.