شەرۋگە شىققاندار ءتارتىپ ساقشىلارىمەن قاقتىعىسىپ قالدى

None
None
نۇر-سۇلتان. قازاقپارات - بەلارۋسيادا رۇقسات ەتىلمەگەن اكتسياعا قاتىسقان 100 دەن اسا ادام ۇستالدى.

ولار ورتالىق سايلاۋ كوميسسياسى پرەزيدەنتتىككە ۇمىتكەرلىككە ۆيكتور باباريكو مەن ۆالەريا تسەپكالونى تىركەمەگەندىكتەن شەرۋگە شىققان، - دەپ حابارلايدى ر ي ا نوۆوستي.

بۇعان دەيىن ەلدىڭ ورتالىق سايلاۋ كوميسسياسى پرەزيدەنتتىگىنە بەس كانديداتتى تىركەدى، ال ەكى ۇمىتكەر تىركەۋدەن وتپەدى - بەلگازپرومبانكتىڭ ەكس- باسشىسى باباريكو جانە جوعارى تەحنولوگيالار پاركى اكىمشىلىگىنىڭ بۇرىنعى باسشىسى تسەپكالو. الەۋمەتتىك جەلىلەر مەن Telegram-ارنالاردا و س ك شەشىمىمەن كەلىسپەيتىندەردى كوشەگە نارازىلىق ءبىلدىرۋ ءۇشىن شىعۋ تۋرالى شاقىرۋ كەلە باستادى. ساعات 23.00 دە (نۇر-سۇلتان بويىنشا) نارازىلىق بىلدىرۋشىلەردى قۇقىق قورعاۋ ورگاندارى ۇستاي باستادى.

كوبىنە مينسكتە - 70 ادام ۇستالعان، سونداي-اق ادامداردى ۇستاۋ گومەل، برەست، پرۋجان، سوليگورسك، بوبرۋيسكتە جۇرگىزىلگەن. ۇستالعانداردىڭ اراسىندا ب ا ق وكىلدەرى دە بار.

الەۋمەتتىك جەلىلەردە تاراعان بەينەجازبالاردا مينسكىدە ادامدار باستاپقىدا تاۋەلسىزدىك داڭعىلىنا شىعىپ كەتكەن، وسىعان بايلانىستى داڭعىلدىڭ كەيبىر ايماقتارى جابىلعان. كەيىنىرەك جەڭىمپازدار داڭعىلى جابىلدى. رۇقسات ەتىلمەگەن اكتسيالارعا قاتىسۋشىلاردى پوليتسيا قىزمەتكەرلەرى باقىلادى، داڭعىلدىڭ بويىمەن ءتارتىپ ساقشىلارى شاعىن اۆتوبۋستارى مەن اۆتوجانارماي ورىندارى تۇردى.

سونداي-اق ادامدار كوپ جينالاتىن جەڭىس الاڭىنىڭ جانىندا ەرەكشە ماقساتتاعى ميليتسيا جاساعىمەن نارازىلىق بىلدىرۋشىلەردىڭ قاقتىعىسىپ، كەيبىرەۋى ۇستالدى.

مينسكىنىڭ ءارتۇرلى اۋدانىندا ادامدار «ىنتىماقتاستىق تىزبەگىندە» تۇردى. ادامداردىڭ جينالۋىنا بايلانىستى قالا ورتالىعىنداعى كەيبىر مەترو ستانتسيالارى بەلگىلەنگەن ۋاقىتتان بۇرىن جابىلدى.

بەلارۋستەگى سايلاۋ 9- تامىزعا جوسپارلانعان، قازىرگى مەملەكەت باسشىسى الەكساندر لۋكاشەنكو التىنشى مەرزىمگە داۋىسقا تۇسەدى.

سوڭعى جاڭالىقتار