10:44, 15 - شىلدە 2020 | GMT +6
ەكى پويىز سوقتىعىسىپ قالدى
نۇر-سۇلتان. قازاقپارات - چەحيانىڭ چەسكي-برود قالاسىندا جولاۋشىلار پويىزى تاۋار تاسيتىن سوستاۆقا سوعىلدى.
اپات سالدارىنان ءبىر ادام قازا تاۋىپ، 35 ادام زارداپ شەكتى، دەپ حابارلايدى قازاقپارات چ ت ك اقپاراتتىق اگەنتتىگىنە سىلتەمە جاساپ.
ونىڭ مالىمەتىنشە، پراگادان شىققان جولاۋشىلار پويىزىنىڭ ءماشينيسى قازا تاپقان. تاعى ءتورت ادام اۋىر حالدە جاتىر، 31 جولاۋشى جەڭىل جاراقاتتار العان.
ولاردىڭ بارلىعى جاقىن جەردەگى اۋرۋحانالارعا جەتكىزىلدى. وقيعانىڭ سەبەپتەرى انىقتالۋ ۇستىندە.