قايتىس بولعان ەلوردالىق دارىگەر ولجاباي قوجاعاليەۆ «پاراسات» وردەنىمەن ماراپاتتالدى

نۇر-سۇلتان. قازاقپارات - ەلوردا اكىمدىگىندە مەديتسينا قىزمەتكەرلەرىن مەملەكەتتىك ناگرادالارمەن ماراپاتتاۋ ءراسىمى ءوتتى.

قازاقپارات بۇل تۋرالى نۇر-سۇلتان اكىمدىگىنىڭ رەسمي سايتىنا سىلتەمە جاساپ حابارلايدى.

ەلورداداعى كوپبەيىندى مەديتسينالىق ورتالىقتىڭ حيرۋرگيا ءبولىمىنىڭ مەڭگەرۋشىسى ولجاباي قوجاعاليەۆ جاقىندا كوز جۇمعان بولاتىن. ول «پاراسات» وردەنىمەن ماراپاتتالدى.

ماراپاتتى قالا اكىمىنىڭ ورىنباسارى باقتيار ماكەن دارىگەردىڭ ۇلى ارمان قوجاعاليەۆقا تابىستادى.

ولجاباي قوجاعاليەۆ 1958-جىلى 1- ناۋرىزدا سولتۇستىك قازاقستان وبلىسىندا دۇنيەگە كەلگەن.

ءومىرىنىڭ 34 جىلىن ءوز ماماندىعىنا ارناعان. اۋداندىق اۋرۋحانانىڭ دارىگەرىنەن باستاپ استانالىق ەمحانانىڭ حيرۋرگيا ءبولىمىنىڭ مەڭگەرۋشىسىنە دەيىن ەڭبەك جولىن ءجۇرىپ وتكەن.

1986 -جىلدىڭ شىلدەسىنەن 1987 -جىلدىڭ قىركۇيەگىنە دەيىن - ءماملۇت ورتالىق اۋداندىق اۋرۋحاناسىندا حيرۋرگى.

1987 -جىلدىڭ قىركۇيەگىنەن 1991 -جىلدىڭ تامىزىنا دەيىن اۋداندىق اۋرۋحانالاردا حيرۋرگ بولدى.

1991 -جىلدىڭ تامىزىنان 1997 -جىلدىڭ تامىزىنا دەيىن - كورەيەۆ اۋداندىق اۋرۋحاناسىنىڭ حيرۋرگيا ءبولىمىنىڭ مەڭگەرۋشىسى.

1997 -جىلدىڭ قىركۇيەگىنەن 1999 -جىلدىڭ ساۋىرىنە دەيىن - دياگنوستيكالىق ءبولىمنىڭ ەندوسكوپيستى.

1999 -جىلدىڭ ساۋىرىنەن 1999 -جىلدىڭ جەلتوقسانىنا دەيىن - استانا قالاسىنىڭ مەديتسينالىق قىزمەتتەرگە اقى تولەۋ ورتالىعى دەپارتامەنتىنىڭ مەديتسينالىق قىزمەتتەر ساپاسىن باسقارۋ ءبولىمىنىڭ جەتەكشى مامانى.

1999 -جىلعى جەلتوقساننان 2000 -جىلعى ماۋسىمعا دەيىن - ەلوردالىق مەديتسينالىق قىزمەتتەر دەپارتامەنتىنىڭ مەديتسينالىق- اناليتيكالىق ءبولىمىنىڭ ساراپشى حيرۋرگى- باس مامانى.

2000 -جىلدىڭ ماۋسىمىنان 2009 -جىلدىڭ ناۋرىزىنا دەيىن - ءىرىڭدى حيرۋرگيا ءبولىمىنىڭ مەڭگەرۋشىسى.

2009 -جىلدىڭ ناۋرىزىنان 2015 -جىلدىڭ تامىزىنا دەيىن - حيرۋرگيا بولىمىندە حيرۋرگ.

2015 -جىلدىڭ تامىز ايىنان باستاپ قازىرگى ۋاقىتقا دەيىن نۇر- سۇلتان قالاسى اكىمدىگىنىڭ 2№ كوپسالالى مەديتسينالىق ورتالىعى حيرۋرگيا ءبولىمىنىڭ مەڭگەرۋشىسى بولىپ جۇمىس ىستەدى.