باتىس قازاقستاندا ورماننان شىققان ءورت اۋىلعا كىردى، ادامدار ەۆاكۋاتسيالاندى
ب ق و ت ج دەپارتامەنتىنىڭ باسپا ءسوز قىزمەتى ءمالىم ەتكەندەي، اقجايىق اۋدانى بۋدارين اۋىلدىق وكرۋگى كولوۆەرتنوە اۋىلىنان 10 ك م جەردەن شىققان تابيعي ءورت 13- جانە 14- شىلدە كۇندەرى 16 گەكتار اۋماقتى قامتىدى. 14- شىلدە كۇنى ساعات 18.02 دە وقشاۋلانعان ءورت سالدارىنان ءبىر تۇرعىن ءۇي، ءبىر ادام تۇرمايتىن ءۇي جانە 4 شارۋاشىلىق قۇرىلىسى جاندى.
42 ادام ەۆاكۋاتسيالانىپ، 15 باس ءىرى قارا، 25 ۇساق جاندىق، 30 تاۋىق شىعارىلدى. اتالمىش اۋىلدا 55 ۇيدە 130 ادام تۇرادى. كەيىن تۇرعىندار ءوز ۇيلەرىنە ورالدى، زارداپ شەككەندەر جوق.
14-شىلدە كۇنى ساعات 09.27 دە تەرەكتى اۋدانى شاعاتاي مەن اقسوعىم اۋىلدارى اراسىندا 16 گەكتار قۇرعاق ءشوپ پەن بۇتالار وتقا وراندى. 13- شىلدە كۇنى وڭىردە 5 تابيعي ءورت (3 دالا، 2 ورمان ءورتى) جانە 9 تابيعي جانۋ تىركەلدى.
14- شىلدە كۇنى دە 9 تابيعي جانۋ بولدى. قازىر ءورت شارپىعان اۋماق ناقتىلانۋ ۇستىندە. وقيعا ورنىنا وبلىس اكىمى عالي ەسقاليەۆ باردى. ءوڭىر باسشىسىنىڭ تاپسىرماسىنا سايكەس جەدەل شتاب قۇرىلىپ، جاعداي باقىلاۋعا الىندى.
ەسكە سالا كەتەيىك، بۇدان بۇرىن باتىس قازاقستاندا ورمان القابى وتقا ورانعانىن جازعان بولاتىنبىز.
