نۇر-سۇلتاندا حالىق كوپ جينالاتىن ورىنداردا اۋقىمدى دەزينفەكتسيا جاسالادى

نۇر-سۇلتان. قازاقپارات - نۇر-سۇلتاندا حالىق كوپ جينالاتىن ورىنداردا (ساياباق، سكۆەر، گۇلزار، جاعالاۋ جانە باسقا جەرلەر) اۋقىمدى دەزينفەكتسيا جۇرگىزىلەدى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

دەزينفەكتسيا تاڭعى ساعات 6-7 دە باستالادى. وڭدەۋ كەزىندە قالا تۇرعىندارى ادام كوپ جينالاتىن ورىندارعا بارماعانى ءجون. قالانى وڭدەۋگە كوممۋنالدىق سالا قىزمەتتەرىمەن بىرگە ت ج د مەن مامانداندىرىلعان كومپانيا قىزمەتكەرلەرى قاتىسادى.

دەزينفەكتسيا جۇمىستارى جاياۋ جانە ارنايى ماشينالاردىڭ كومەگىمەن جۇرگىزىلەدى. قالالىق باس سانيتار دارىگەردىڭ قاۋلىسىنا سايكەس، س و و، بازارلار، ت د جانە باسقا دا كوپشىلىك جينالاتىن ورىن باسشىلارى جۇمىس ورىندارىندا دەزينفەكتسيا جۇرگىزۋى ءتيىس.

قالادا بارلىعى 20 ميلليون شارشى مەتردەن استام اۋماقتا دەزينفەكتسيا جاسالدى. دەزينفەكتسيا تۇراقتى تۇردە جۇرگىزىلەدى.

5- شىلدەدەن 2- تامىزعا دەيىن ەلىمىزدە شەكتەۋ شارالارى ەنگىزىلدى. قالا تۇرعىندارى سانيتاريا نورمالارىن قاتاڭ ساقتاپ، ماسكا تاعىپ، انتيسەپتيك قولدانىپ، الەۋمەتتىك قاشىقتىقتى ساقتاۋى كەرەك.