جاڭا وقۋ جىلى: قازاقستاندا باستاۋىش سىنىپ وقۋشىلارى قالاي وقيدى؟
«اتا-انالاردىڭ قالاۋىمەن جانە مەكتەپتەدەگى جاعدايدى ەسكەرىپ، باستاۋىش، ياعني 1-4- سىنىپتاردىڭ وقۋىنا رۇقسات بەرىلەدى. ارينە، كىشكەنتاي بالالاردىڭ وقۋعا ىنتاسى ءالى قالىپتاسپاعان. سوندىقتان، ءوتىنىم نەگىزىندە مەكتەپتەردە كەزەكشى سىنىپتار اشۋ جونىندە شەشىم قابىلداندى»، - دەدى ۆيتسە-مينيستر «اتامەكەن» ۇ ك پ وتكىزگەن ونلاين جينالىستا.
سپيكەر اتا-انالاردىڭ پىكىرىن تىڭداپ شىققانىن ايتتى. ولاردىڭ اراسىندا سانيتارلىق شارالاردى قاتاڭ ساقتاپ، وقۋ پروتسەسىن مەكتەپتە جۇرگىزۋدى قولدايتىندار بار جانە بالاسىن مەكتەپكە جىبەرۋگە تۇبەگەيلى قارسى ادامدار دا بار.
ۆيتسە-ءمينيستردىڭ ايتۋىنشا، كەزەكشى سىنىپتاردا وففلاين جانە ونلاين فورماتتا وتەتىن پاندەر ءتىزىمى انىقتالادى.
«كەزەكشى سىنىپتار قاشان جۇمىس ىستەيدى؟ كەي پاندەردى - مەكتەپتە، كەي پاندەردى - ونلاين وقىتۋعا جىبەرەمىز. ماسەلەن، باستاۋىش سىنىپتا ساۋات اشۋ، جازۋ، ماتەماتيكا، ءتىل پاندەرى وفلاين فورماتتا وتەدى»، - دەدى ش. قارينوۆا.
ونىڭ ايتۋىنشا، اكىمدىكتەر سىنىپتى توپقا ءبولىپ وقىتۋدى دا ۇسىنىپ وتىر.
«ەلىمىزدە ەكى اۋىسىمدى، ءۇش اۋىسىمدى مەكتەپتەر بار ەكەنىن، وندا بالا سانى كوپ ەكەنىن تۇسىنەمىز. ءبىر كۇنى - ءبىرىنشى توپ، ەرتەسىنە - ەكىنشى توپ وقيدى. ونداي دا تاجىريبە الەمدە بار. بۇل ءادىستى سينگاپۋر ۇسىنىپ وتىر. كەزەكشى سىنىپتار اتا-انالاردىڭ ءوتىنىمى بويىنشا قۇرالادى، ءبىز كەزەكشى سىنىپتا ءبىر عانا سىنىپتىڭ بالالارىن وقىتۋدى ۇسىنىپ وتىرمىز»، - دەدى ۆيتسە-مينيستر.