21:11, 14 - شىلدە 2020 | GMT +6
قوعامدىق باقىلاۋ: پاۆلودارعا كاتاردان كەلگەن گۋمانيتارلىق جۇك جەتكىزىلدى
نۇر-سۇلتان. قازاقپارات - پاۆلودار وبلىسىنا ەلىمىزگە كاتاردان كەلگەن گۋمانيتارلىق جۇك جەتكىزىلدى.
بۇل جايىندا قوعامدىق باقىلاۋدىڭ وڭىرلىك ۇيلەستىرۋشىسى الما قوزبايەۆا Facebook پاراقشاسىندا جازدى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، 2020-جىلدىڭ 14- شىلدەسىندە پاۆلودار وبلىسىنا كاتاردان جەكە قورعانىس زاتتارىنىڭ 18 تۇرىندەگى (قورعانىس ماسكاسى، قورعانىس كوستيۋمى، پلاستيكا كوزاينەك جانە باسقالار) گۋمانيتارلىق جۇك كەلىپ تۇسكەن.
قوعامدىق باقىلاۋدىڭ وڭىرلىك ۇيلەستىرۋشىسى الما قوزبايەۆا پاۆلودار وبلىستىق جەمقورلىققا قارسى قىزمەت وكىلدەرىمەن بىرگە اتالعان گۋمانيتارلىق جۇكتىڭ وبلىستاعى 38 مەديتسينالىق ۇيىمعا جەتكىزىلۋىنە مونيتورينگ جاساعان.