+7 (701) 759 90 19
12 °С : نۇر-سۇلتان
18 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ق ر قورعانىس ءمينيسترىنىڭ ورىنباسارى ومىردەن ءوتتى

14 شىلدە 17:56
:ءبولىسۋ
ق ر قورعانىس ءمينيسترىنىڭ ورىنباسارى ومىردەن ءوتتى

نۇر-سۇلتان. قازاقپارات - بۇگىن، 14- شىلدە كۇنى قازاقستان رەسپۋبليكاسى قورعانىس ءمينيسترىنىڭ ورىنباسارى گەنەرال- مايور باقىت جانۇزاق ۇلى قۇرمانبايەۆ دۇنيەدەن وزدى. بۇل اقپاراتتى قورعانىس مينيسترلىگى راستادى.

باقىت قۇرمانبايەۆ 1993 - جىلى ءال- فارابي اتىنداعى قازاق مەملەكەتتىك ۋنيۆەرسيتەتىن ءتامامدادى. 2005 -جىلى رەسەي فەدەراتسياسى قۇرلىق اسكەرلەرى اسكەري اۋە شابۋىلىنا قارسى قورعانىس اسكەري اكادەمياسىندا ءبىلىم الىپ، ال 2008 -جىلى رەسەي فەدەراتسياسى قارۋلى كۇشتەرى باس شتابى اسكەري اكادەمياسىنىڭ جوعارى اكادەميالىق كۋرستارىن ءبىتىردى. باقىت جانۇزاق ۇلى قازاقستان رەسپۋبليكاسى قارۋلى كۇشتەرىندە اتقارعان قىزمەتىندە جوعارى كاسىبيلىگىمەن جانە اۋقىمدى تاجىريبەسىمەن ەرەكشەلەندى.

اسكەري سالادا قوندىرعىلاردى قوسۋ ۆزۆودىنىڭ، زەنيتتىك- زىمىران باتارەياسىنىڭ كومانديرىنەن باستاپ ءار جىلدارى قورعانىس مينيسترلىگىندە باسشىلىق لاۋازىمداردى، سونىمەن قاتار قازاقستان رەسپۋبليكاسى قاۋىپسىزدىك كەڭەسى اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى لاۋازىمىن اتقاردى. 2017 -جىلعى 6 - مامىردا پرەزيدەنت جارلىعىمەن وعان «گەنەرال- مايور» اسكەري اتاعى بەرىلگەن ەدى.

2019 -جىلعى ءساۋىر ايىندا گەنەرال- مايور قۇرمانبايەۆ قازاقستان رەسپۋبليكاسى قورعانىس ءمينيسترىنىڭ ورىنباسارى بولىپ تاعايىندالدى. ماتەريالدىق- تەحنيكالىق قامتاماسىز ەتۋ، قورعانىس ونەركاسىپ كەشەنىمەن ءوزارا ءىس- قيمىل جاساۋ، قارۋ- جاراق جانە اسكەري تەحنيكا، سونداي- اق تىلدىق جانە مەديتسينالىق قامتاماسىز ەتۋ ماسەلەلەرىنە جەتەكشىلىك ەتتى. ارىس قالاسىنداعى توتەنشە جاعداي سالدارىن جويۋدا ايتارلىقتاي ۇلەس قوسىپ، پاندەميامەن كۇرەس كەزەڭىنىڭ العاشقى كۇندەرىنەن باستاپ ينفەكسيانىڭ تارالۋىنا قارسى ءىس- شارالاردى ۇيىمداستىرۋ مەن قامتاماسىز ەتۋگە بەلسەندى اتسالىستى. قىزمەت اتقارعان كەزەڭدەردە II دارەجەلى «ايبىن» جانە II دارەجەلى «داڭق» وردەندەرىمەن ماراپاتتالعان. باقىت جانۇزاق ۇلىنىڭ ارتىندا جان جارى مەن ەكى بالاسى قالدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات