ەلوردادا كارانتين كەزىندە قوناق شاقىرىپ، ساۋىق كەشىن ۇيىمداستىرعان ايەل ۇستالدى
دەپ حابارلايدى قازاقپارات نۇر- سۇلتان قالالىق پ د باسپا ءسوز قىزمەتىنە سىلتەمە جاساپ.
پوليتسەيلەر تەكسەرۋ بارىسىندا 28 جاستاعى قالا تۇرعىنى جابىق ساۋىق كەشىن ۇيىمداستىرعانىن انىقتادى. وقيعانىڭ جاي- جاپسارىن انىقتاۋ ءۇشىن قوناقتاردىڭ بارلىعى «ەسىل» اۋداندىق پوليتسيا باسقارماسىنا جەتكىزىلدى. تەكسەرۋ ناتيجەسى بويىنشا 42 ادام ق ر ا ق ب ك 441-بابى بويىنشا جەكەلەگەن قوعامدىق ورىندا تەمەكى ونىمدەرىن جانە ەلەكتروندىق سيگارەتتى تۇتىنۋعا تىيىم سالۋدى بۇزعانى ءۇشىن، ق ر ا ق ب ك 437-بابى بويىنشا تىنىشتىقتى بۇزعانى جانە ق ر ا ق ب ك 440-بابى بويىنشا الكوگولدى ىشىمدىك ىشكەنى نەمەسە قوعامدىق ورىندا ماس كۇيىندە جۇرگەنى ءۇشىن، سونداي- اق 1 ادام ق ر ا ق ب ك 492-بابى بويىنشا قازاقستاندا تىركەۋسىز نەمەسە جەكە باسىن كۋالاندىراتىن قۇجاتسىز تۇرعانى ءۇشىن اكىمشىلىك جاۋاپكەرشىلىككە تارتىلدى.
تەرگەۋ بارىسىندا ساۋىق كەشىن ۇيىمداستىرۋشىنىڭ بۇعان دەيىن ەلورداداعى ءدامحانالاردىڭ بىرىندە جۇمىس ىستەگەنى انىقتالدى. ونىڭ جۇمىس ورنى سانيتاريالىق- ەپيدەميولوگيالىق تالاپتارعا ساي كەلمەگەندىكتەن جابىلعان. سول سەبەپتى ايەل كوتتەدج جالداپ، كەلۋشىلەرگە الەۋمەتتىك جەلى ارقىلى ءىس- شارانىڭ وتەتىن جەرىن حابارلاعان. جالعا الۋشىعا قاتىستى جينالعان ماتەريالدار پروتسەسسۋالدىق شەشىم شىعارۋ ءۇشىن نۇر- سۇلتان قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جىبەرىلدى.