+7 (701) 759 90 19
-13 °С : نۇر-سۇلتان
-5 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

ءبىلىم ءمينيسترى: ءداستۇرلى وقۋ رەجيمىنە كوشكەننەن كەيىن مەكتەپ فورماسىن كيۋ تالاپ ەتىلمەيدى

14 شىلدە 15:47
:ءبولىسۋ
ءبىلىم ءمينيسترى: ءداستۇرلى وقۋ رەجيمىنە كوشكەننەن كەيىن مەكتەپ فورماسىن كيۋ تالاپ ەتىلمەيدى

نۇر- سۇلتان. قازاقپارات - جاڭا وقۋ جىلىندا ءبىرىنشى توقساننان كەيىن ءداستۇرلى وقۋ رەجيمىنە كوشكەن جاعدايدا مەكتەپتە ەشكىم اتا- انادان بالاسىنا مەكتەپ فورماسىن الۋ تۋرالى تالاپ قويمايدى.

بۇل تۋرالى ورتالىق كوممۋنيكاتسيالار قىزمەتىندە وتكەن ونلاين- بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«مەكتەپ فورماسى - وزەكتى ماسەلەلەردىڭ ءبىرى. ق ر ءبىلىم جانە عىلىم مينيسترلىگى بۇيرىعىنا مەكتەپ فورماسىنا قاتىستى وزگەرىس ەنگىزدىك. بىرىنشىدەن، مەكتەپ فورماسى تۇبەگەيلى جويىلعان جوق، ءبىز وعان قاتىستى «توتەنشە جاعداي كەزىندە نەمەسە باسقا دا شەكتەۋلى شارالاردا ءبىلىم بەرۋ ۇيىمدارىنا مينيسترلىك بەكىتكەن مەكتەپ فورماسىمەن كەلمەۋگە بولادى» دەگەن قوسىمشا ەرەجە ەنگىزدىك»، - دەيدى ءبىلىم جانە عىلىم ءمينيسترى اسحات ايماعامبەتوۆ.

ونىڭ ايتۋىنشا، جاڭا وقۋ جىلىندا ءبىرىنشى توقساننان كەيىن ءداستۇرلى وقۋ رەجيمىنە كوشكەن جاعدايدا مەكتەپتە ەشكىم اتا- انادان بالاسىنا مەكتەپ فورماسىن الۋ تۋرالى تالاپ قويمايدى.

«تاجىريبە كورسەتكەندەي، بۇل شەشىمنىڭ دە نەگىزى بار. بيزنەستىڭ وسى تۇرىمەن اينالىساتىن ءىرى كومپانيالاردى تۇسىنەم. ولاردىڭ مۇنداي قيىن كەزەڭدە جاڭا وقۋ جىلىنا دايىندالعان كومپانيالاردى قولداۋ كەرەكتىگى تۋرالى ۇندەۋىن ەستىدىم جانە وقىدىم، ءبىراق ءبىز 3,5 ميلليون وقۋشى ساباققا باراتىنىن ەسكەرۋىمىز كەرەك. ەكونوميكالىق جانە قازىرگى جاعدايدى ەسكەرىپ، مەكتەپ فورماسىنا دا قاتىستى قاجەتتى جاعداي جاساۋ كەرەكتىگى تۋرالى شەشىم قابىلدادىق. مەكتەپ فورمالارى بارلار ول فورمانى كيىپ جۇرە الادى، ال مەكتەپ فورماسى جوقتارعا وسىنداي جاعداي جاسادىق»، - دەيدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات