15:06, 14 - شىلدە 2020 | GMT +6
ا ق ش- تىڭ كولورادو شتاتىندا وبا جۇقتىرعان ءتيىن تابىلدى
نۇر-سۇلتان. قازاقپارات - ا ق ش- تىڭ كولورادو شتاتىندا وبا جۇقتىرعان ءتيىن تابىلدى. «سەنبى، 11 - شىلدە كۇنى مورريسون قالاسىندا تابىلعان تيىننەن تەست الىنىپ، ونىڭ وبا جۇقتىرعانى بەلگىلى بولدى»، - دەلىنگەن حابارلامادا.
بۇل اۋداندا مۇنداي جاعداي العاش رەت تىركەلگەن. بۇدان بۇرىن ىشكى موڭعوليانىڭ (ق ح ر) بايان- نۇر قالاسىنداعى باقتاشىدان بۋبون وباسى راستالدى. سونىمەن قاتار بۇل وبا موڭعوليانىڭ باتىسىندا التاي رەسپۋبليكاسىمەن شەكتەسەتىن ايماقتا تابىلدى.
وبا - ءولىم- ءجىتىم مەن جۇعۋ قاۋپى جوعارى جۇقپالى اۋرۋ. ينفەكتسيانىڭ نەگىزگى تاراتۋ كوزى - سۋىر، ءتيىن، ەگەۋقۇيرىق سىندى كەمىرگىشتەر.
www.24.kz