+7 (701) 759 90 19
28 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

جاپونيا قازاقستاننان باعالى دەليكاتەس ءوندىرۋ ءۇشىن جىلقى ەتىن ساتىپ الادى

14 شىلدە 14:25
:ءبولىسۋ
جاپونيا قازاقستاننان باعالى دەليكاتەس ءوندىرۋ ءۇشىن جىلقى ەتىن ساتىپ الادى

نۇر-سۇلتان.قازاقپارات - ق ر اۋىل شارۋاشىلىعى مينيسترلىگى قازاقستاندىق جىلقى مەن جىلقى ەتىن ەكسپورتتاۋ ءۇشىن جاپونيا نارىعىن اشتى.

جاڭا نارىقتىڭ اشىلۋى الدىندا ۇلكەن دايىندىق جۇمىستارى جۇرگىزىلدى، دەپ حابارلادى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتى.

2018 -جىلى ەكسپورتتىق الەۋەتتى دامىتۋ اياسىندا ق ر اشم ۆەتەريناريالىق باقىلاۋ جانە قاداعالاۋ كوميتەتى شەتەلدىك ارىپتەستەرگە العاشقى سۇراۋ حات جولداعان ەدى. وندا قازاقستاندىق فەرمەرلەر مەن كاسىپكەرلەر جاپونياعا جىلقى ەتىن جەتكىزۋگە مۇددەلى ەكەنى تۋرالى ايتىلعان بولاتىن. ۇزاق كەلىسسوزدەردىڭ ناتيجەسىندە جاپونيا ەلىنىڭ اۋىل، ورمان جانە بالىق شارۋاشىلىعى مينيسترلىگى قازاقستان رەسپۋبليكاسىنان جىلقىلاردى سويۋ جانە قايتا وڭدەۋ كەزىندە الىنعان ەت، ەت شيكىزاتى مەن سۋبونىمدەردى جاپونياعا ەكسپورتتاۋعا ۆەتەرينارلىق سەرتيفيكات بەردى. ال 2020 -جىلدىڭ 25 - مامىرىنان باستاپ ەكسپورتتىڭ اشىلۋى تۋرالى رەسمي حابارلاما جىبەردى. بۇرىن قول جەتكىزىلگەن كەلىسىمدەرگە سايكەس ق ر ا ش م ۆەتەرينارلىق باقىلاۋ جانە قاداعالاۋ كوميتەتى ءوز ونىمدەرىن ەكسپورتتاۋعا دايىن قازاقستاندىق كاسىپورىنداردىڭ ءتىزىمىن جاسادى.

ەت وداعى، «اتامەكەن» ۇكپ جانە كوميتەتتىڭ وبلىستىق اۋماقتىق ينسپەكتسيالارى ارقىلى اۋىل شارۋاشىلىعى تاۋارلارىن وندىرۋشىلەرگە جىبەرىلگەن سۇرانىمعا 34 وتاندىق كاسىپورىن وزدەرىنىڭ كەلىسىمدەرىن بەردى. ولار تۋرالى اقپارات جاقىندا جاپون تاراپىنا بەرىلدى. ايتا كەتۋ كەرەك، جاپونيا ەلى تەك جىلقى ەتىن عانا يمپورتتاۋعا ەمەس، ءتىرى جىلقىلاردى دا سويۋ ءۇشىن الۋعا مۇددەلى.

انىقتاما: وسى ۋاقىتقا دەيىن جاپونياعا جىلقى ەتىن نەگىزگى ەكسپورتتاۋشى ەل كانادا بولدى. كۇن شىعىس ەلىندە جىلقى ەتى ەجەلدەن شيكى تۇردە پايدالانىلادى جانە دەليكاتەس بولىپ سانالادى. جوعارى دامدىك ساپاسى ءۇشىن قابىرعادان الىنعان ەت ەرەكشە باعالانادى. جىلقى ەتىنەن سۋشي مەن ساشيمي ەت كەسەكتەرى دايىندالادى.

www.24.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات