ساپارحان وماروۆ ازىق- تۇلىك باعاسىن ۇستاپ تۇرۋ ءۇشىن اتقارىلاتىن شارالاردى اتادى

None
None
نۇر- سۇلتان. قازاقپارات - اۋىل شارۋاشىلىعى ءمينيسترى ساپارحان وماروۆ ەلدە ازىق- تۇلىك باعاسىن ۇستاپ تۇرۋ باعىتىندا قانداي شارالار قولعا الىناتىنىن ايتىپ بەردى، دەپ حابارلايدى قازاقپارات ءتىلشىسى.

«الەۋمەتتىك ماڭىزى بار ازىق- تۇلىك تاۋارلارىنا باعانىڭ ءوسۋىن بولدىرماۋ ماقساتىندا اۋىل شارۋاشىلىعى مينيسترلىگى ىشكى نارىقتى مولىقتىرۋ بويىنشا جوسپارلى جۇمىس جۇرگىزۋدە. يمپورت الماستىرۋدى ەسكەرە وتىرىپ، ينۆەستيتسيالىق جوبالاردى ىسكە اسىرۋ جونىندە ايقىن جوسپار ازىرلەندى»، - دەدى ساپارحان وماروۆ ۇكىمەت وتىرىسىندا.

ءمينيستردىڭ ايتۋىنشا، ساقتاۋ ينفراقۇرىلىمى بويىنشا قازىر رەسپۋبليكادا 27 ميلليون توننا ساقتاۋ سىيىمدىلىقتارى بار نىساندار، ونىڭ ىشىندە 189 ليتسەنزيالانعان استىق قابىلداۋ كاسىپورنى بار.

«الايدا شاعىن جانە ورتا فەرمەرلەرگە ارنالعان 10 مىڭ تونناعا دەيىنگى كىشىگىرىم استىق قويمالارىنىڭ ماسەلەسىن شەشۋ كەرەك. مۇنداي تاجىريبە ا ق ش پەن كانادادا بار، ءبىز دە بۇل باعىتتا مەملەكەتتىك قولداۋ شارالارىن ەنگىزۋدى جوسپارلاپ وتىرمىز. سونىمەن قاتار، ماۋسىمارالىق كەزەڭدە قازىرگى زامانعى كوكونىس ساقتاۋ ورىندارى مەن جەمىس ساقتاۋ ورىندارى جەتىسپەيدى. بۇل ءۇشىن زاماناۋي ساقتاۋ ورىندارىن سالۋعا جەڭىلدەتىلگەن كرەديت بەرۋ جانە ينۆەستيتسيالىق سۋبسيديالاۋ جۇزەگە اسىرىلۋدا»،-دەدى ول.

سوڭعى جاڭالىقتار