13:49, 14 - شىلدە 2020 | GMT +6
كوروناۆيرۋس: گونكونگتاعى ديسنەيلەند اشىلعانىنا ءبىر اي وتپەي جاتىپ قايتا جابىلدى
گونكونگ. قازاقپارات - كوروناۆيرۋستىڭ قايتا ورشۋىنە بايلانىستى گونكونگ قالاسىندا ءبىر ايعا جۋىق ۋاقىت بۇرىن اشىلعان ديسنەيلەند قايتا جابىلدى، دەپ حابارلايدى قازاقپارات BBC اگەنتتىگىنە سىلتەمە جاساپ.
ساياباق كوروناۆيرۋستىڭ ازيا ەلدەرىندە كەڭ تارالۋىنا بايلانىستى قاڭتار ايىنىڭ سوڭىندا جابىلعان ەدى. گونكونگتا كوروناۆيرۋس ينفەكتسياسىنا شالدىعۋ وقيعالارى ازايعان سوڭ ساياباقتى 18 - ماۋسىمدا اشۋ جونىندە شەشىم قابىلدانعان ەدى. الايدا سارسەنبى كۇنى ديسنەيلەند قايتا جابىلدى.
«ۇكىمەت جانە دەنساۋلىق ساقتاۋ ورگاندارىنىڭ تالاپتارى، سونداي- اق گونكونگتا وتكىزىلىپ وتىرعان الدىن الۋ شارالارىنا سايكەس، گونكونگتاعى ديسنەيلەند ساياباعى اعىمداعى جىلدىڭ 15 - شىلدەسىنە دەيىن ۋاقىتشا جابىلادى»، - دەلىنگەن Disney مالىمدەمەسىندە.
ەسكە سالا كەتسەك، گونكونگ قالاسىنداعى ديسنەيلەند - ديسنەيدىڭ مامىر ايىندا اشىلعان ەكىنشى ساياباعى. كەلۋشىلەرگە ەسىگىن العاشقى بولىپ اشقان ديسنەيلەند شانحاي قالاسىندا ورنالاسقان.