الەكسەي تسوي قىركۇيەكتە بارلىق مەكتەپتە وقۋشىلاردى قاشىقتان وقىتۋدى ۇسىندى

None
None
نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي تسوي جاڭا وقۋ جىلىندا بارلىق ورتا مەكتەپتە بالالاردى قاشىقتان وقىتۋدى ۇسىندى، دەپ حابارلايدى قازاقپارات ءتىلشىسى.

ونىڭ ايتۋىنشا، قازىرگى ۋاقىتتا ەلدە كوروناۆيرۋس جۇقتىرعانداردىڭ سانى 60 مىڭنان اسقان.

«ولاردىڭ 1700 ءى - بالالار. مەكتەپتە ءداستۇرلى وقىتۋدى باستاۋ - بالالار اراسىندا اۋرۋ جۇقتىرۋ دەڭگەيىن ارتتىرىپ، ۆيرۋستىڭ مەكتەپتەن تىس تا تارالۋىنا جول اشۋى مۇمكىن. جالپى جىل سايىن جۇقتىرىلعان رەسپيراتورلىق ۆيرۋستى ينفەكتسيامەن (ج ر ۆ ي) اۋىراتىنداردىڭ 70 پايىزى - 14 جاسقا دەيىنگى بالالار. ج ر ۆ ي- ءدىڭ ماۋسىمدىق دەڭگەيدە ارتۋى مەن كوروناۆيرۋس ينفەكتسياسى بويىنشا جاعدايدىڭ كۇردەلىلىگىنە بايلانىستى وقۋ جىلىنىڭ العاشقى توقسانىندا از كومپلەكتىلى مەكتەپتەردى ەسەپتەمەگەندە، بارلىق سىنىپتى قاشىقتان وقىتۋ جولدارىن قاراستىرعان دۇرىس دەپ ەسەپتەيمىن»، - دەدى مينيستر ۇكىمەت وتىرىسىندا.

سوڭعى جاڭالىقتار