10:59, 14 - شىلدە 2020 | GMT +6
دۇنيەجۇزىلىك دەنساۋلىق ساقتاۋ ۇيىمىنىڭ ماماندارى قىتايعا باردى
نۇر- سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ ەكى ساراپشىسى كوروناۆيرۋستىڭ قايدان شىققانىن زەرتتەۋ ءۇشىن قىتايعا باردى.
بۇل تۋرالى ق ح ر س ءى م رەسمي وكىلى حۋا چۋنين مالىمدەدى، - دەپ حابارلايدى ر ي ا نوۆوستي.
«ەكى جاقتىڭ كەلىسىمىمەن د د ۇ بەيجىڭگە ساراپشىلاردى جىبەردى. ولار COVID-19 قايدان شىققانىن انىقتاۋ ءۇشىن قىتايلىق عالىمدارمەن ىنتىماقتاستىق جانە تاجىريبە الماسۋ ءۇشىن كەلدى»، - دەپ حابارلادى حۋا چۋنين بريفينگتە.
«د د ۇ ۆيرۋستىڭ قايدان شىققانىن انىقتاۋ ۇزاق جالعاساتىن پروتسەسس دەپ ەسەپتەيدى. ول كوپتەگەن ەلگە قاتىستى بولۋى مۇمكىن. د د ۇ الداعى ۋاقىتتا وسىنداي ينسپەكتورلىق ساپارلارمەن باسقا ەلدەرگە دە بارۋى مۇمكىن»، - دەپ قوستى حۋا چۋنين.
قىتايدىڭ س ءى م رەسمي وكىلى د د ۇ ساراپشىلارى كىممەن كەزدەسەتىنىن جانە قانداي ورىندارعا باراتىنىن ناقتى ايتپادى.