اتىراۋلىق سپورتشى اۋرۋحاناعا العاشقى وتتەگى كونتسەنتراتورىن الىپ بەردى

اتىراۋ. قازاقپارات - اتىراۋ وبلىسىنىڭ يساتاي اۋدانىنداعى «بارىس» بالالار-جاس وسپىرىمدەردىڭ دەنە شىنىقتىرۋ كلۋبىنىڭ ديرەكتورى اسحات جۇمابەكوۆ اۋداندىق اۋرۋحاناعا وتتەگى كونتسەنتراتورىن سىيعا تارتتى، دەپ حابارلايدى قازاقپارات.

اسحات جۇمابەكوۆ وتتەگى كونتسەنتراتورىن الماتىدان ارنايى الدىرعان. باعاسى - 550 مىڭ تەڭگە.

«قازىرگىدەي قيىن كەزدە دارىگەرلەر ناۋقاستاردى ەمدەۋدە قالتىقسىز ەڭبەك ەتۋدە. مەنىڭ اتا-انام دا وسى سالادا ۇزاق جىل ەڭبەك ەتكەندىكتەن، دارىگەرلەردىڭ تىنىمسىز جۇمىسىنىڭ اۋىرلىعىن جاقسى بىلەمىن. الايدا، دارىگەرلەرگە دە كەيدە مۇمكىندىگى بار ازاماتتاردىڭ قولداۋى قاجەت-اق»، - دەيدى اسحات جۇمابەك.

اۋداندىق اۋرۋحانانىڭ دارىگەرى سەرجان ساندىبايەۆتىڭ ايتۋىنشا، وتتەگى كونتسەنتراتورى - قازىرگى كەزدە ەڭ قاجەتتى قۇرىلعى.

«بۇل - ءبىزدىڭ اۋرۋحاناداعى العاشقى قۇرىلعى. ۇزدىكسىز وتتەگى ءبولىپ تۇراتىندىقتان، وعان اۋا تولتىرۋدىڭ قاجەتى جوق. وسى كەزگە دەيىن بىزدە مۇنداي قۇرىلعىنىڭ جوقتىعىنان، ناۋقاستار ارنايى وتتەگى باللوندارى ارقىلى تىنىس الۋشى ەدى. ال، مۇنداي باللونداردى ساناۋلى ساعاتتان سوڭ اۋىستىرىپ تۇرۋ كەرەك. وسىنداي وتتەگى كونتسەنتراتورىنىڭ جوقتىعى جانىمىزعا باتاتىن»، - دەيدى دارىگەر سەرجان ساندىبايەۆ.

ەسكە سالا كەتەلىك، بۇعان دەيىن اتىراۋ كاسىپكەرلەرى اۋرۋحاناعا 3,2 مىڭ دانا ءدارى الىپ بەرگەن ەدى.