شەتەلدەن كەلەتىندەر ءۇشىن ەكى اپتالىق كارانتين الىنىپ تاستالادى

ماسكەۋ. تاسس - قازاقپارات - رەسەيدىڭ تۇتىنۋشىلار قۇقىعىن قورعاۋ قىزمەتىنىڭ باسشىسى اننا پوپوۆا قول قويعان جاڭا قاۋلىعا سايكەس، ەندى رەسەيگە كەلەتىن ازاماتتار كوروناۆيرۋسقا بايلانىستى ەكى اپتالىق كارانتينگە وقشاۋلاندىرىلمايتىن بولادى.

قازاقپارات بۇل تۋرالى تاسس اگەنتتىگىنە سىلتەمە جاساپ حابارلايدى.

وعان سايكەس، شەتەل ازاماتتارى شەكارادا وزىندە كوروناۆيرۋستىڭ جوقتىعىن راستايتىن انىقتاما ۇسىنۋى ءتيىس.

«رەسەي فەدەراتسياسىنىڭ مەملەكەتتىك شەكاراسىنا كىرۋ بارىسىندا سانيتارلىق-كارانتيندىك باقىلاۋدى ىسكە اسىراتىن لاۋازىمدى تۇلعالاردى ر ف- عا كەلەردەن كەم دەگەندە ءۇش كۇن بۇرىن پ ت ر- ادىسىمەن جاسالعان COVID-19-عا لابوراتوريالىق زەرتتەۋدىڭ تەرىس ناتيجەسىن راستايتىن مەديتسينالىق قۇجاتتى (ورىس جانە اعىلشىن تىلدەرىندە جازىلعان)، سونداي-اق G (lgG) يممۋنوگلوبۋلين انتيدەنەسى انىقتالعانىن (انىقتالعان جاعدايدا) راستايتىن مەديتسينالىق قۇجاتتى كورسەتۋى ءتيىس»، - دەلىنگەن قۇجاتتا.

ەگەر مۇنداي انىقتامالار بولماسا، وندا ءۇش كۇنتىزبەلىك كۇن ىشىندە رەسەي اۋماعىندا كوروناۆيۋسقا اناليز تاپسىرۋى قاجەت. قاۋلى 15- شىلدە كۇنى كۇشىنە ەنەدى.