+7 (701) 759 90 19
28 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

تاپشى دارىلەردىڭ تاعى ءبىر پارتياسى ەلورداعا ۇشاقپەن جەتكىزىلدى

14 شىلدە 08:26
:ءبولىسۋ
تاپشى دارىلەردىڭ تاعى ءبىر پارتياسى ەلورداعا ۇشاقپەن جەتكىزىلدى

نۇر-سۇلتان. قازاقپارات - نۇر-سۇلتان قالاسىنا تاعى ءبىر جۇك ۇشاعىمەن كوروناۆيرۋس، پنيەۆمونيا جانە باسقا دا ءبىرقاتار اۋرۋلاردى ەمدەۋگە ارنالعان ءدارى-دارمەك كەلدى، دەپ حابارلايدى قازاقپارات.

ەلوردا اكىمدىگىنەن ءمالىم ەتكەندەي، بۇل تاۋارلار - گۋمانيتارلىق كومەك ەمەس.

«ولاردى ءدارىحانا جەلىلەرىنىڭ ديستريبيۋتورلارى ساتىپ العان. ۇكىمەت پەن نۇر-سۇلتان اكىمدىگى لوگيستيكا ماسەلەلەرى بويىنشا، سونداي-اق ءدارى-دارمەكتەردى ساتىپ الۋ جانە ولاردى جەتكىزۋ پروتسەدۋرالارىن جەڭىلدەتۋدە قولداۋ كورسەتۋدە. سونىمەن قاتار ەلوردا اكىمدىگى پرەپاراتتاردى ساتىپ الۋ ءۇشىن ديستريبيۋتورلارعا اينالىم قاراجاتىن بولەتىن بولادى»، - دەلىنگەن اقپاراتتا.

12- شىلدە كۇنى استاناعا ۇشاقپەن ءدارى-دارمەكتىڭ 350 گە جۋىق ءتۇرى جەتكىزىلگەن بولاتىن.

بۇل جولى قوسىمشا 16 توننا پرەپارات جەتكىزىلدى. بۇل - 400 گە جۋىق ءدارى-دارمەك ءتۇرىنىڭ 600 مىڭنان استام قاپتاماسى.

اتاپ ايتقاندا، كسارەلتو، پاراتسەتامول، وفلوكساتسين، يبۋپروفەن، تسەفترياكسون، كلەكسان، ازيتروميتسين، دەكسامەتازون، مەتيلپرەدنيزولون، نيمەسۋليد، كارديوماگنيل، ليەۆوفلوكساتسين، مەترونيدازول، گەپارين، يبۋفەن جانە ت. ب.

«قازىر «فەنيكس»، «گيپپوكرات»، «تسۆەتنايا»، «ماكسيما فارم»، «چاستنايا»، «مەديلاب»، «سالاۋات»، «ا- فارما» جانە وزگە دە ءىرى ءدارىحانا جەلىلەرىن ءدارى-دارمەكپەن قامتاماسىز ەتۋ بويىنشا جۇمىس جۇرگىزىلۋدە. ەلوردا ءدارىحانالارىنا پرەپاراتتاردى جەتكىزۋ تۇراقتى تۇردە جۇرگىزىلەتىن بولادى»، - دەدى اكىمدىكتەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات