اسكەريلەر كوروناۆيرۋس ىندەتىنەن قايتىس بولعانداردى ەسكە الدى
كەشە، 13- شىلدە - قازاقستاندا كوروناۆيرۋس ينفەكتسياسىنان قازا بولعانداردى ۇلتتىق ازا تۇتۋ كۇنى. نۇر-سۇلتان قالاسى ۋاقىتى بويىنشا ساعات 12.00 دە بۇكىل ەلدە ۇنسىزدىك مينۋتى جاريالاندى.
كوروناۆيرۋس پاندەمياسىنىڭ قۇربانى بولعان ازاماتتاردى قازاقستان قارۋلى كۇشتەرىنىڭ اسكەري قىزمەتشىلەرى دە ەسكە الدى.
«ۇلتتىق ازا تۇتۋ كۇنىندە قورعانىس ۆەدومستۆوسىنىڭ، ەلىمىزدىڭ بارلىق اۋماقتارىنداعى اسكەري بولىمدەر مەن مەكەمەلەردىڭ مەملەكەتتىك تۋى، ءداستۇر بويىنشا ساعات 8.00-دە كوتەرىلەتىن اسكەري-تەڭىز كۇشتەرى كەمەلەرىندە تۋى تومەن ءتۇسىرىلدى. قازا بولعانداردى ەسكە الۋ مەن قۇرمەتتەۋ ءۇشىن ىندەتپەن كۇرەسكە بەي-جاي قارامايتىن ازاماتتار قازا تۇتۋ بەلگىسىن تاقتى» دەلىنگەن حابارلامادا.
قازاقستان رەسپۋبليكاسىنىڭ قارۋلى كۇشتەرى پاندەميانىڭ العاشقى كۇنىنەن باستاپ وتانداستارىمىزعا ىندەتتى جانە ونىڭ سالدارىن جويۋداعى كۇرەستە بەلسەندى كومەك كورسەتىپ كەلەدى.